வாரிசு பிரச்சனை முடிவுக்கு வரும்... ஆர்ட் டைரக்டர் வீராசமர் விளக்கம்!

டைரக்டர் வீராசமர்

விஜய் சேதுபதி நடிப்பில் வெளியாகி உள்ள டிஎஸ்பி படத்தில் கலை இயக்குநராக பணியாற்றி உள்ள வீராசமர் அந்த படத்தில் ஒரு முக்கியமான கதாபாத்திரத்திலும் நடித்துள்ளார். இதையடுத்து, செய்தியாளர்களிடம் பேசிய வீராசமர் தனது வாழ்க்கையில் சினிமா பயணத்தை பகிர்ந்து கொண்டார்.

விஜய் அதிகமா பேசமாட்டார்

விஜய் சார், அஜித் சார் படங்களில் ஆர்ட் டைக்டரா வேலை செய்ததுஇல்லை, ஆனால் உதவி இயக்குநராக வேலை செய்து இருக்கிறேன். சிட்டிசன், ரெட் படத்தில் உதவி இயக்குநராக வேலை செய்து இருக்கிறேன். விஜய் தமிழன் படத்தில் வேலை செய்து இருக்கிறேன். இரண்டு பேரின் படங்களிலும் வேலை செய்து இருக்கிறேன், பேசி இருக்கிறேன். ஆனால், விஜய் சார் ஷூட்டிங் ஸ்பாட்டில் அதிகமா பேசவே மாட்டாரு அமைதியாகத்தான் இருப்பாரு. வாரிசு, துணிவு இரண்டு படங்களும் வெளியாகனும், இரண்டு படங்களும் ஹிட்டாகனும் என்பதுதான் என் ஆசை.

வாரிசு சிக்கல்

வாரிசு படத்திற்கு தெலுங்கு திரைப்படத்துறையில் எழுந்துள்ள சிக்கலுக்கு பதிலளித்த ஆர்ட் டைரக்டர் வீராசமர், ஹாலிவுட் படங்களை வியந்து பார்த்துக்கொண்டு இருந்த நாம், நம் படங்களை திரும்பிபார்க்க வைத்துள்ளோம். ஒரு குறுகிய வட்டத்தில் இருந்த சினிமா இப்போது பெரியவட்டத்திற்குள் வந்துள்ளது.

பிரிவினை வரக்கூடாது

இதனால், இந்தியாவிற்குள் ஒன்றுமை இருக்க வேண்டும் யார் படங்கள் வந்தாலும் அதை தடுக்காமல் ஒருவருக்கொருவர் விட்டு கொடுத்து செயல்பட வேண்டும். விஜய் சார் படம் அங்கு வெளியானாலும், இங்கு தெலுங்கு நடிகர்களின் படம் வெளியாகும் போதும் நாம் அதே ஒத்துழைப்பை தரவேண்டும். நமக்குள் தமிழ், தெலுங்கு என்ற பிரிவினை இருக்கக்கூடாது அனைத்து படங்களையும் நாம் பார்க்க வேண்டும். அப்போது தான் ஹாலிவுட்டில் நம் படத்தை பார்ப்பார்கள். வாரிசு திரைப்படம் சிக்கல் இல்லாமல் விரைவில் வெளியாகும் என்று செய்தியாளர்கள் சந்திப்பில் ஆர்ட் டைரக்டர் வீராசமர் பேசினார்.