‘RRR‘ பார்த்து வியந்துபோன ஜேம்ஸ் கேமரூன்...ராஜமவுலி நெகிழ்ச்சி!

ஆர்.ஆர்.ஆர்

தெலுங்கு சுதந்திர போராட்ட வீரர்களான அல்லூரி சீதாராம ராஜூ மற்றும் கொமரம் பீம் ஆகியோரின் வாழ்க்கையை அடிப்படையாகக் கொண்ட இத்திரைப்படம் ரத்தம் ரணம் ரௌத்திரம் என பெயரில் வெளியானது. பான் இந்திய திரைப்படமாக வெளியான இத்திரைப்படம் உலகம் முழுவதும் 1200கோடி வசூல் செய்து சாதனை படைத்துள்ளது.

மேலும் இரண்டு விருதுகள்

இயக்குநர் ராஜமவுலி இயக்கிய ஆர்ஆர்ஆர் திரைப்படத்தில் இடம் பெற்ற நாட்டு நாட்டு பாடலுக்காக இசையமைப்பாளர் கீரவாணி அண்மையில் பிரபல ஹாலிவுட் விருதுகளில் ஒன்றான கோல்டன் குளோப் விருதை வென்றார். மேலும், க்ரிடிக்ஸ் சாய்ஸ் விருது விழாவில் சிறந்த வெளிநாட்டு மொழி திரைப்படத்துக்கான விருது ஆர்.ஆர்.ஆர் படத்துக்கு கிடைத்துள்ளது. அதேபோல் சிறந்த பாடலுக்கான விருதும் இந்தப் படத்தில் இடம்பெற்ற நாட்டு கூத்து பாடலுக்கு கிடைத்துள்ளது.

உலகின் உச்சியில் இருக்கிறேன்

இந்த Critics Choice Awards விழாவில் பங்கேற்ற இயக்குநர் ராஜமௌலி, அவதார் 2 திரைப்படத்தின் இயக்குநர் ஜேம்ஸ் கேமரூனை சந்தித்து பேசினார். அவருடனான சந்திப்பு குறித்து, தனது இன்ஸ்டாகிராம் பக்கத்தில் ராஜமௌலி பகிர்ந்துள்ளார். அதில் ஜேம்ஸ் கேமரூன், ஆர்ஆர்ஆர் படத்தை பார்த்து பாராட்டியதாகவும், அவரது மனைவி சுஜிக்கு அந்த படத்தை பார்க்குமாறு பரிந்துரை செய்ததுடன், மீண்டும் இரண்டாவது முறையாக ஆர்ஆர்ஆர் படத்தை மனைவியுடன் பார்த்ததாகவும் கூறினார். என்னுடன் 10 நிமிடம் கேமரூன் செலவிட்டதை என்னால், நம்பமுடியவில்லை, அவர் கூறியது போல் தற்போது நான் உலகின் உச்சியில் இருக்கிறேன் என்றும் ராஜமௌலி குறிப்பிட்டுள்ளார்.

ஆஸ்கர் ரேஸில்

ஆர்.ஆர்.ஆர். திரைப்படம் ஆஸ்கர் விருதை வாங்கியே தீர வேண்டும் என்கிற முனைப்புடன் மொத்தம் 14 பிரிவுகளில் கீழ் பரிந்துரைக்கப்பட்டுள்ளது. இதனால் ஆர்ஆர்ஆர் படம் நிச்சயம் வெல்லும் என்று எதிர்பார்க்கப்படுகிறது. ஜனவரி 24 ஆம் தேதி இறுதிப்பட்டியல் வெளியிடப்பட்டு மார்ச் 12 ஆம் தேதி நடைபெறும் விழாவில் இறுதிப்பட்டியலில் இருந்து ஆஸ்கர் விருதுக்கான படங்கள் தேர்வு செய்யப்பட்டு விருது வழங்கப்படும்.