varma updates- த்ருவிற்கு ஜோடியாகும் பாலிவுட் நடிகை.. ஆனா நீங்க எதிர்பார்த்த ‘அவங்க’ இல்ல!

மீண்டும் வர்மா:

இதனால் மீண்டும் வர்மா படத்தை வேறு ஒரு இயக்குநரை வைத்து படமாக்க முடிவு எடுத்திருப்பதாகவும் அது அறிவித்தது. அப்புதிய படத்தில் நாயகன் த்ருவ் தவிர மற்ற அனைவரும் மாற்றப்படுவார்கள் என தெரிவிக்கப்பட்டது.

நாயகி அறிவிப்பு:

புதிதாக வர்மா படத்தை இயக்கப் போவது யார் என்ற கேள்வி ரசிகர்களிடையே உள்ளது. இந்நிலையில், வர்மா படத்தில் த்ருவிற்கு ஜோடியாக நடிக்கப் போவது யார் என்பதை அதிகாரப்பூர்வமாக அறிவித்துள்ளது இ4இ நிறுவனம்.

பாலிவுட் நடிகை பனிதா:

இது தொடர்பாக அதன் தயாரிப்பாளர் முகேஷ் ஆர் வர்மா தனது டிவிட்டர் பக்கத்தில் வெளியிட்டுள்ள பதிவில், ‘புதிய வர்மா படத்தில் த்ருவிற்கு ஜோடியாக பனிதா சந்து என்ற பாலிவுட் நடிகை நடிக்க இருக்கிறார்' எனத் தெரிவித்துள்ளார். லண்டனில் பிறந்த பஞ்சாபி குடும்பத்தைச் சேர்ந்தவரான பனிதா, அக்டோபர் என்ற இந்திப் படத்தில் நடித்தவர்.

ஜான்வி:

இதற்கிடையே மறைந்த நடிகை ஸ்ரீதேவியின் மகள் ஜான்வி, வர்மா படம் மூலம் தமிழில் அறிமுகமாக இருப்பதாக தகவல்கள் வெளியானது. இது தொடர்பான அறிவிப்பு விரைவில் வரும் என்றும் எதிர்பார்க்கப்பட்டது. ஆனால் தற்போது அந்த வதந்திக்கு முற்றுப்புள்ளி வைக்கும் வகையில் தயாரிப்பு நிறுவனம் நாயகி பெயரை அறிவித்துள்ளது.

மேகா சௌத்ரி:

முன்னதாக வர்மா படத்தில் நாயகியாக மேகா சௌத்ரி நடித்திருந்தார். வர்மா படம் கைவிடப்பட்ட தகவல்கூட அவருக்கு முறைப்படி தெரிவிக்கப்படவில்லை என அவர் ஏற்கனவே வருத்தம் தெரிவித்திருந்தார். இந்நிலையில் தற்போது அவரையே மாற்றி வேறொரு நாயகியை படத்தயாரிப்பு நிறுவனம் ஒப்பந்தம் செய்துள்ளது குறிப்பிடத்தக்கது.