வைரமுத்து வரிகளில்.. பிக் பாஸ் பிரபலம் நடனமாடிய நாட்படு தேறல் பாடல்.. நாளை ரிலீஸ்!

வைரமுத்துவின் வரிகளில்

பாடலாசிரியர் வைரமுத்துவின் வரிகளில் உருவாகி உள்ள நாட்படு தேறல் பாடல் தொகுப்பு ஆல்பம் பாடல்களாக மாறி வருகின்றன. அனிகா சுரேந்திரன் உள்ளிட்ட பிரபலங்கள் முதல் சீசன் பாடலில் நடித்திருந்தனர். இந்நிலையில், நாட்படு தேறல் இரண்டாம் பாகத்திற்கான பணிகளை வைரமுத்து செய்து வருகிறார்.

பிக் பாஸ் பிரபலம்

பிக் பாஸ் சீசன் 5ல் போட்டியாளராக கலந்து கொண்டு வருணின் தோழியாக வலம் வந்தவர் நடிகை அக்‌ஷரா ரெட்டி. பிக் பாஸ் நிகழ்ச்சிக்கு பிறகு அக்‌ஷரா ரெட்டி வருண் உடன் இணைந்து படம் பண்ணுவார் என எதிர்பார்க்கப்பட்ட நிலையில், தற்போது வைரமுத்துவின் பாடலில் நடித்துள்ளார்.

முன்னோட்டம்

ரோஜாவை மையமாக வைத்து உருவாக்கப்பட்டுள்ள இந்த பாடலில் நடிகை அக்‌ஷரா ரெட்டி அழகு பதுமையாக நடித்துள்ளார். அதன் அழகான முன்னோட்ட வீடியோவை கவிஞர் வைரமுத்து தற்போது தனது ட்விட்டர் பக்கத்தில் ஷேர் செய்து உள்ளார். ஏகப்பட்ட ரசிகர்கள் அந்த பாடலை பார்த்து அவரை பாராட்டி வருகின்றனர்.

க்ரீன் மேட்டில்

நாட்படு தேறல் இரண்டாவது பருவம் நாளை முதல் ஆரம்பிக்க உள்ள நிலையில், இந்த பாடல் முழுவதையும் அதன் இயக்குநர் க்ரீன் மேட் தொழில் நுட்பத்திலேயே உருவாக்கி உள்ளனர். க்ரீன் மேட்டில் அக்‌ஷரா ரெட்டி நடனமாட அதை அப்படியே சிஜியில் அழகான பேக்ரவுண்ட் இருக்கும் இடமாக மாற்றி அசத்தி உள்ளனர்.

நாளை ரிலீஸ்

இன்று இந்த பாடலின் முன்னோட்ட பாடல் வெளியாகி உள்ள நிலையில், நாளை ஏப்ரல் 17 ஞாயிற்றுக்கிழமை மாலை 5.30 மணிக்கு கலைஞர் தொலைக்காட்சியில் வெளியாகிறது. இது தொடர்பான அறிவிப்பை வைரமுத்து தனது ட்விட்டர் பக்கத்தில் வெளியிட்டுள்ளார்.