கலக்கலாக வந்த கமல்... அதிர வைத்த ஹவுஸ்மேட்ஸ்... தொடங்கியது பிக் பாஸ் கிராண்ட் பினாலே

பிக் பாஸ் சீசன் 6 க்ளைமேக்ஸ்

விஜய் டிவியின் டிஆர்பி கண்டெய்னரான பிக் பாஸ் நிகழ்ச்சி இந்தாண்டில் 6வது சீசனை நிறைவு செய்யவுள்ளது. நடிகர் கமல் தொகுத்து வழங்கும் இந்த பிக் பாஸ், தமிழ்நாட்டின் மிகப் பெரிய ரியாலிட்டி ஷோவாக பார்க்கப்படுகிறது. அக்டோபர் 9ம் தேதி தொடங்கிய ஆறாவது சீசனில் ஜிபி முத்து, அசல் கோளாறு, ஷிவின், சாந்தி, மணிகண்டன், குயின்ஷி, நிவாஷினி, ஷெரினா, ஜனனி, ரச்சிதா, மகேஸ்வரி, அசீம், விக்ரமன், ராம், ஏடிகே, ராபர்ட் மாஸ்டர், அமுதவாணன், மைனா நந்தினி, ஆயிஷா, கதிர் என மொத்தம் 21 போட்டியாளர்கள் பங்கேற்றனர்.

பிக் பாஸ் சீசன் 6 கிராண்ட் பினாலே

இந்த சீசனில் முதல் ஆளாக சாந்தி எவிக்சன் ஆனார், ஜிபி முத்து முதல் இரண்டு வாரங்களில் அவரது சொந்த விருப்பத்தின் பேரில் வெளியேறினார். மற்றவர்கள் வாக்குகள் அடிப்படையில் ஒவ்வொரு வாரமும் பிக் பாஸ் வீட்டில் இருந்து எவிக்சன் செய்யப்பட்டனர். இறுதியாக ஷிவின், விக்ரமன், அசீம் மட்டுமே பிக் பாஸ் டைட்டில் வின்னர் ரேஸில் இருக்கின்றனர். இறுதிப் போட்டிக்கு தகுதிப் பெற்றிருந்த கதிர் பண மூட்டையுடனும், அமுதா பணப் பெட்டியுடனும் வெளியேற, மைனா நந்தினி மீட் வீக் எவிக்சனில் வெளியேறினார். இதனைத் தொடர்ந்து தற்போது கிராண்ட் பினாலே கொண்டாட்டத்துடன் தொடங்கியது.

பினாலே கொண்டாட்டம் ஆரம்பம்

பிக் பாஸ் கிராண்ட் பினாலே விஜய் டிவியில் நாளை மாலை 6 மணிக்கு ஒளிபரப்பாகும் என ஏற்கனவே அறிவிப்பு வெளியானது. இதனைத் தொடர்ந்து வெளியான அடுத்த ப்ரோமோவில் கிராண்ட் பினாலே ஹவுஸ்மேட்ஸ்களின் கொண்டாட்டத்துடன் தொடங்கியுள்ளது. ஏடிகேவின் ராப் இசையுடன் தொடங்கும் இந்த கொண்டாட்டம் மணிகண்டன், குயின்ஷி, மகேஸ்வரி, மைனா நந்தினி, ஜிபி முத்து, கதிர் உள்ளிட்ட அனைத்து ஹவுஸ்மேட்ஸ்களுடனும் அதிரடியாக தொடங்கியதை பார்க்க முடிகிறது.

கலக்கலாக வந்த கமல்

ஹவுஸ்மேட்ஸ்களின் ஆட்டம் பாட்டம், பிக் பாஸ் ரசிகர்களின் பலத்த கரகோஷம் என அரங்கமே அதிர, கமல் செம்ம ஸ்டைலிஷாக என்ட்ரி கொடுக்கிறார். தி பிக்கஸ்ட் எண்டர்டெயின்மெண்ட் ஷோ பிக் பாஸ் சீசன் 6 கிராண்ட் பினாலே என நிகழ்ச்சியை தொடங்குகிறார். இந்த ப்ரோமோ பிக் பாஸ் ரசிகர்களுக்கு சர்ப்ரைஸ்ஸாக அமைந்துள்ளது. விஜய் டிவியில் நாளை மாலை 6 மணிக்கு தான் கிராண்ட் பினாலே ஒளிபரப்பாகிறது. ஆனால், நாளை காலையிலேயே யார் டைட்டில் வின்னர் என்ற ரிசல்ட் தெரிந்துவிடும் என எதிர்பார்க்கப்படுகிறது. அதேநேரம் பெரும்பாலான ரசிகர்கள் விக்ரமன் தான் டைட்டில் வெல்வார் என கருத்து தெரிவித்து வருகின்றனர்.