இமான் அண்ணாச்சி முதல் சுருதி வரை.. போன் கால் மூலமாக போட்டியாளர்களை உற்சாகப்படுத்தியது செம!

உற்சாகமூட்டிய போன் கால்

பிக் பாஸ் தமிழ் சீசன் 5ல் இதுவரை எவிக்ட் ஆகி வெளியேறிய போட்டியாளர்களில் சிலர் போன் கால் மூலமாக ஹவுஸ்மேட்களுடன் பேசும் அட்டகாசமான பகுதி ஞாயிற்றுக்கிழமை எபிசோடில் இடம்பெற்றது. இமான் அண்ணாச்சி, அபிஷேக் ராஜா, வருண், அக்‌ஷரா, சுருதி, சிபி என ஒவ்வொருவரும் ஒவ்வொரு போட்டியாளர்களுக்கு சப்போர்ட் பண்ணி பேசினர்.

கேட்டுக்கு வெளியே நிப்பேன்

முதல் நபராக இமான் அண்ணாச்சி ராஜுவிடம் போனில் பேசினார். நல்லா விளையாடுற சந்தோஷமா இருக்கு.. கேட்டுக்கு வெளியவே வெயிட் பண்ணிட்டு இருப்பேன் கப்போட வா ராஜு.. கப்பு முக்கியம் பிகிலு என இமான் அண்ணாச்சி, ராஜு இந்த சீசன் டைட்டிலை வின் பண்ண வேண்டும் என மனதார வாழ்த்தினார். மற்ற போட்டியாளர்களுக்கும் வாழ்த்துக்களை கூறினார்.

பிரியங்காவின் ஜீலி

ராஜுவை தொடர்ந்து பிரியங்காவுக்கு ஆதரவாக அபிஷேக் ராஜா போனில் பேசினார். சினிமா பையனின் குரலை கேட்டதும் ஹே ஜீலி என கத்தத் தொடங்கி விட்டார் பிரியங்கா.. பிரியங்காவை உற்சாகப்படுத்தும் வார்த்தைகளை அபிஷேக் சொல்வதற்கு முன்பாக இன்னமும் மலை மீது சுத்திட்டு இருக்கியா என பிரியங்கா வழக்கம் போல அவரே பேசி ஸ்கோர் பண்ணி விட்டார்.

தாமரைக்கு ஆறுதல் சொன்ன அக்‌ஷரா

தாமரைக்காக போனில் அக்‌ஷரா பேசினார். நீங்க ஆல்ரெடி வின் பண்ணிட்டீங்க அக்கா என அக்‌ஷரா மறைமுகமாக தாமரை எவிக்ட் ஆவது தெரிந்து ஊக்கம் அளித்தது போலவே அவரது பேச்சு இருந்தது. அடுத்த வாரம் என்னை தூக்கி சுத்தணும் என தாமரை செல்வி தொடர்ந்து பெரும் நம்பிக்கையுடனே அக்‌ஷராவிடம் பேசினார். தாமரையை தொடர்ந்து ராஜு அண்ணாவிடமும் அக்‌ஷரா அன்பை பொழிந்து பேசி ஊக்கப்படுத்தினார்.

பாவனிக்கு சுருதி அட்வைஸ்

இறுதி வாரம் ரொம்ப டஃப்பா இருக்கும் கடைசி வரைக்கும் போராடு பாவனி வெற்றியோ தோல்வியோ பெரிய விஷயம் இல்லை. இதுவரை உள்ளே உன்னை வைத்திருக்கும் மக்களுக்காக இந்த வாரம் விளையாடு. சில விஷயங்களை வேண்டாம் என விட்டுருக்க..அதை மீண்டும் தொடராதே.. அதை அப்படியே விட்டு விட்டு உன்னுடைய விளையாட்டை முழுமையாக விளையாடு என பாவனிக்கு பக்காவான அட்வைஸை சொன்னார் சுருதி.

அமீருக்காக பேசிய சிபி

அமீரை சந்தோஷப்படுத்தலாமா? என கமல் கேட்டு சிபியிடம் போன் கால் கனெக்ட் செய்ய சிபி தனக்கு ஆதரவாக பேசுகிறானா? என உண்மையிலேயே அமீர் சந்தோஷப்பட்டார். நல்லா கெத்தா விளையாடுற அமீர் அந்த கெத்து உன்னிடம் எனக்கு ரொம்ப பிடித்தது. அதை விட்டுக் கொடுக்காமல் விளையாடு என சிபி பேசிக் கொண்டிருக்கும் போதே தாமரை, பிரியங்கா என எல்லோரும் சிபியிடம் பேசி அப்படியே அந்த கால் முடிந்தது.

Recommended Video

Bigg Boss Tamil Season 5 | 10h January 2022 - Promo 2 | Raju-க்கு கிடைத்த Golden opportunity!!

நிரூப்புக்கு வருண்

நிரூப்பும் வருணும் பிக் பாஸ் வீட்டில் எதிரும் புதிருமாக இருந்தனர். பல இடங்களில் நிரூப்பை அடக்கியதே வருண் தான். இந்நிலையில், நிரூப்புக்கு சப்போர்ட் செய்து வருண் பேசியதும் நிரூப் ஹேப்பி ஆனார். தாமரை, ராஜு, பிரியங்கா, அமீர் என அனைவருக்கும் வருண் தனது வாழ்த்துக்களை கூறினார்.