ரொம்ப கீழ்த்தரமான போட்டியாளர்.. அசீமுக்கு குவிந்த ரெட் கார்டுகள்.. வெறும் ஷோவுக்கு மட்டும் தானா?

அசீம் - ஆயிஷா சண்டை

ரேங்கிங் டாஸ்க்கில் முதல் மூன்று இடங்களில் இருப்பவர்களுடன் வீரத்தை காட்டாமல் 9வது இடத்தில் இருந்த ஆயிஷாவிடம் சின்னத்திரை நடிகை அசீம் அத்துமீறி நடந்து கொண்டது ஒட்டுமொத்த பிக் பாஸ் போட்டியாளர்களை மட்டுமின்றி அதை பார்த்துக் கொண்டிருக்கும் ரசிகர்களையும் ரொம்பவே அப்செட் ஆக்கியது.

சரியான செருப்படி

பெண் போட்டியாளர்களை பார்த்து அப்படி தான் டி சொல்வேன்னு ஒரு ஆண் போட்டியாளர் எகிறிக் கொண்டு வர, கொஞ்சமும் பயம் கொள்ளாமல், நானெல்லாம் சத்யா சீரியலில் போலீஸாகவே நடிச்சவ என்கிட்டேயே எகிறிறியா என செருப்பை கழட்டி காட்டி சரியான செருப்படி கொடுத்து விட்டார் ஆயிஷா இந்த தைரியம் விக்ரமனுக்கு கூட வரவில்லை என ரசிகர்கள் கமெண்ட்டுகளை போட்டுத் தாக்கி வருகின்றனர்.

ரெட் கார்டுடன் வந்த கமல்

எல்லா சண்டையையும் மூட்டி விட்டு பிக் பாஸ் அமைதியாக வேடிக்கை பார்த்துக் கொண்டிருக்க, கமலாவது சனிக்கிழமை வந்து தட்டிக் கேட்பாரா என ரசிகர்கள் எதிர்பார்ப்பில் இருந்த நிலையில், 2வது புரமோவிலேயே ரெட் கார்டுடன் வந்து ரசிகர்களை சற்றே சந்தோஷத்தில் ஆழ்த்தி உள்ளார் கமல்.

அசீமுக்கு அத்தனை ரெட் கார்டுகள்

அசீம் செய்தது தவறு என்பதை உணர்த்தும் வகையில் ஸ்டோர் ரூமில் இருந்த ரெட் கார்டுகளை கொண்டு வந்து அசீமுக்கு இதை யாரெல்லாம் கொடுக்க விருப்பப்படுறீங்க என கமல் கேட்டதுமே, ஒவ்வொரு போட்டியாளரும் எழுந்து வந்து அசீமுக்கு ரெட் கார்டு கொடுத்து அவரது ஆணவத்துக்கு சரியான சவுக்கடியை கொடுத்துள்ளனர்.

தண்டனை அவ்ளோதானா

அசீம் செய்த காரியத்திற்கு போட்டியாளர்களை வைத்து மட்டுமே ரெட் கார்டுகளை கொடுக்க வைத்து விட்டு, சரி திரும்பவும் அதையெல்லாம் ஸ்டோர் ரூமில் வைத்து விடுங்கள், இனி இப்படி செய்தால், நான் ரெட் கார்டு கொடுக்க வேண்டிய நிலை வரும் என கமல் கண்டித்து மன்னித்து விட்டுவிடுவார் என நெட்டிசன்கள் கலாய்த்து வருகின்றனர்.

அசல் கோலாரை கண்டிப்பாரா

அசீம் ஆயிஷாவிடம் போட்ட பிரச்சனையை கையில் எடுத்து பேசிய கமல் அசல் கோலார் பிக் பாஸ் வீட்டில் பெண் போட்டியாளர்களை நோண்டிக் கொண்டிருப்பதை தட்டிக் கேட்பாரா என்றும் தனலட்சுமிக்கும் அவருக்கும் நடந்த சண்டையை பற்றி பேசுவாரா? என்றும் கேள்விகளை பிக் பாஸ் ரசிகர்கள் எழுப்பி வருகின்றனர். ஏகப்பட்ட பஞ்சாயத்துகள் உள்ள நிலையில், இன்றைய எபிசோடு அனல் பறக்கும் என எதிர்பார்க்கப்படுகிறது.