தனலட்சுமி மூஞ்சில ஒரு லட்சம் முட்டை அடிப்பாங்க.. அவுட் ஆனாலும் அசீமுக்கு வாய்க்கு குறைச்சல் இல்லை!

அசீம் மூஞ்சில முட்டை

அவதார் 2 திரைப்படம் வரும் டிசம்பர் 16ம் தேதி வெளியாக உள்ள நிலையில், பிக் பாஸ் வீட்டிலேயே ஏலியன்ஸ் vs ஆதிவாசிகள் கான்செப்ட் நடைபெற்று வருகின்றன. இந்நிலையில், அசீமை சிரிக்கவோ, அழவோ வைக்க முயற்சி செய்ய தனலட்சுமி அவர் தலையில் முட்டையை உடைத்து ஊற்றியும், முகத்தில் முட்டையை ஊற்றியும் அவுட் ஆக்கி விட்டார்.

கேம் ஸ்பிரிட் அதிகம்

அசீம் போல வெறும் வாய் ஜாலத்தால் இந்த பிக் பாஸ் விளையாட்டை விளையாடாமல் ரியலாகவே அதிக கேம் ஸ்பிரிட் உடன் தனலட்சுமி விளையாடி வருகிறார். அம்மா சென்டிமென்ட்டை டச் செய்து ஷிவினை அழ வைத்து அவுட் ஆக்கிய தனா அசீமை சிரிக்க வைத்து அவுட் ஆக்கி விட்டார்.

குருப்புல டூப் குயின்ஸி

தனலட்சுமி போட்டியாளர்களை சிரிக்கவும் அழவும் வைக்க முயற்சி செய்து கொண்டிருக்க பின்னாடி சோபாவில் ஹாயாக உட்கார்ந்து கொண்டும், தனாவின் பின்னாடி வந்து வேடிக்கை பார்த்துக் கொண்டும் இருக்கும் குயின்ஸியை குரூப்புல டூப் என இவர் பிக் பாஸ் போட்டியாளரே கிடையாது என ரசிகர்கள் கலாய்த்து வருகின்றனர்.

அசீம் தனா சண்டை

பிக் பாஸ் வீட்டை விட்டு வெளியே போனாதான் பொதுவாக போட்டியாளர் முகத்தில் முட்டை அடிப்பாங்க.. ஆனால், நான் இங்கேயே அசீம் அண்ணா மூஞ்சில முட்டை அடிச்சிட்டேன் என வாய் துடுக்காக தனா பேசி கடுப்பாக இருந்த அசீமை மேலும் கோபப்படும் படி ட்ரிக்கர் செய்து விட்டார்.

ஒரு லட்சம் முட்டை அடிப்பாங்க

இங்கே எனக்கு நீ மூன்று முட்டை தான் அடிச்ச.. வெளியே போ உனக்கு ஒரு லட்சம் முட்டை மூஞ்சில அடிப்பாங்க என கடுப்பான அசீம் தனலட்சுமியை பார்த்து திட்ட இருவருக்கும் இடையே சண்டை வெடித்துள்ளது. அசீமின் திமிரை தொடர்ந்து ஒவ்வொரு போட்டியாளரும் அடக்கி வருகின்றனரே, நாளைக்கு மனுஷன் அப்படியே நல்லவனாக மாறி கமல் முன்னாடி டிராமா போடப் போகிறாரா? என்றும் கேள்விகள் எழுந்துள்ளன.

கமல் முன்னாடி டிராமா

தொண்டைக் கட்டிப் போன நிலையிலும், விக்ரமன், ஷிவின், ஜனனி, அமுதவாணன் மற்றும் தனலட்சுமி உடன் இந்த வாரம் மோசமான சண்டையை போட்டுள்ள அசீம் அப்படியே கமல் முன்னாடி நல்லவன் போல நடித்து ஏமாற்றப் போகிறார். கமலும் வழக்கம் போல அசீமை கண்டிப்பது போல பேசிவிட்டு அப்படியே விட்டு விடுவார் என கலாய்த்து வருகின்றனர்.