Bigg Boss Tamil 6: பொட்டிப் படுக்கையோடு கிளம்புங்க.. எவிக்‌ஷன் போட்டியாளருக்கு இப்படியொரு ட்விஸ்ட்!

பிக் பாஸ் இளவரசிக்கா இந்த நிலைமை

தனலட்சுமி, மைனா நந்தினி மற்றும் குயின்ஸி தான் டேஞ்சர் ஜோனில் இந்த வாரம் இருப்பார் என்றும் ஜனனி அதிக ஓட்டுக்களுடன் செகண்ட் சேவ் ஆவார் என எதிர்பார்த்த ரசிகர்களுக்கு குறிப்பாக ஜனனி ஆர்மியினருக்கு சூப்பர் ட்விஸ்ட் கொடுத்து பிக் பாஸ் இளவரசியை டேஞ்சர் ஜோனில் உட்கார வைத்து பயம் காட்டி விட்டார் கமல்.

மைனாவுக்கு இது தேவை தான்

கடந்த வாரம் மணிகண்டனுக்கு ஏற்பட்ட அதே நிலைமை தான் இந்த வாரம் திமிராக பேசிய மைனா நந்தினிக்கும் ஏற்பட்டுள்ளது என பிக் பாஸ் ரசிகர்கள் ப்ரோமோவுக்கு கீழ் கமெண்ட் போட்டு திட்டி வருகின்றனர். மைனா நந்தினியும் ரச்சிதாவை போல கேம் ஆடுவதே இல்லை. சீக்கிரமாக ஒரு நல்ல வைல்டு கார்டு போட்டியாளரை உள்ளே அனுப்புங்க என ரசிகர்கள் கோரிக்கை வைத்து வருகின்றனர்.

பொட்டி படுக்கையுடன்

இந்த வாரம் பிக் பாஸ் வீட்டில் இருந்து யார் வெளியேற போகிறார் என்பதை அறிந்து கொள்ள ஸ்டோர் ரூமில் வைக்கப்பட்டுள்ள 3 பெட்டிகள் வர, அதன் சாவிகளை ஜனனி, மைனா மற்றும் குயின்ஸியிடம் கொடுக்க சொல்கிறார் கமல். இதில், எந்த பெட்டி திறக்கப்பட்டு அதில் வெளியேறுபவர் பெயர் இருக்கிறதோ அவர் இந்த வாரம் வெளியேற வேண்டும் என இந்த ப்ரோமோவில் கமல் சொல்லி உள்ளார்.

அப்பாவை தொடர்ந்து

பிக் பாஸ் வீட்டில் குடும்ப விளையாட்டு விளையாடி வந்த ராபர்ட் மாஸ்டர், குயின்ஸி மற்றும் ரச்சிதா மூவரும் வெளியேற வேண்டியது தான் என ரசிகர்கள் எச்சரித்து வந்த நிலையில், கடந்த வாரம் ராபர்ட் மாஸ்டர் வெளியேறினார். இந்நிலையில், இந்த வாரம் அவரது மகள் என சொல்லப்பட்டு விளையாடி வந்த குயின்ஸி வெளியேறுகிறார்.

அடுத்த வாரம் ரச்சிதாவா

இந்த வாரம் நைஸாக எஸ்கேப் ஆகிவிட்ட ரச்சிதா அடுத்த வாரம் வெளியேறுவாரா? என ரசிகர்கள் கேள்வி எழுப்பி வருகின்றனர். ராம், ஏடிகே, ஜனனி, மைனா, மணிகண்டன் என ஒவ்வொரு மிக்சர் பார்ட்டியாக வெளியே அனுப்புங்க, டஃப் போட்டியாளர்கள் இந்த சீசனில் போட்டி போட்டு டைட்டில் வின் பண்ணட்டும் என ரசிகர்கள் கமெண்ட் செய்து வருகின்றனர்.