முகப்பு

செய்திகள்

சென்னை : தீவிரமடைந்து வரும் கொரோனா பரவல் சினிமா துறையை முற்றிலுமாக முடக்கி போட்டுள்ளது. லாக்டவுன் முடிந்த பிறகு, அடுத்தக்கட்ட படப்பிடிப்பை தொடர பல பெரிய நடிகர்களின் படங்கள் காத்திருக்கின்றன.

இன்னும் சிலர் லாக்டவுன் முடிந்து தளர்வுகள் அறிவிக்கப்பட்ட உடன் புதிய படங்களின் வேலைகளை துவக்க திட்டமிட்டுள்ளனர். இதற்கிடையில் புதிய படங்கள் பற்றிய அறிவிப்புக்களும் வந்த வண்ணம் உள்ளன.

அந்த வகையில் சூர்யா நடித்த சூரரை போற்று, சிம்பு நடித்த ஈஸ்வரன் உள்ளிட்ட படங்களில் நடித்து புகழ்பெற்ற நடிகர் காளி வெங்கட் ஹீரோவாக ஒரு படத்தில் நடிக்க உள்ளார். இந்த படத்திற்கு மாடு என பெயரிடப்பட்டுள்ளது.

புதுமுக இயக்குனர் பிரம்மா இந்த படத்தை இயக்குகிறார். இந்த படத்தில் ஹீரோயினாக ரித்விகா நடிக்க உள்ளார். ரஜினி நடித்த கபாலி போன்ற படங்களில் நடித்திருந்தாலும் விஜய் டிவி.,யில் பிக்பாஸ் சீசன் 2 நிகழ்ச்சியில் பங்கேற்று, டைட்டில் வென்ற பிறகே ரித்விகா பிரபலமானார்.

8 பாடல்… 3 தீம் மியூசிக்குடன்… ஜகமே தந்திரம் ஆல்பம் நாளை ரிலீஸ் !

பிக்பாஸ் நிகழ்ச்சிக்கு பிறகு பெரிய அளவில் பட வாய்ப்புக்கள் கிடைக்காவிட்டாலும் சிறிய ரோல்களில் பல படங்களில் ரித்விகா நடித்து வருகிறார். தற்போது மாடு படத்தில் ஹீரோயினாக நடிக்க அவருக்கு வாய்ப்பு கிடைத்துள்ளது.

இந்த படத்தை அமலா பாலை வைத்து ஆடை படத்தை தயாரித்து, பரபரப்பை கிளப்பிய விஜி சுப்ரமணியம் தயாரிக்கிறார். இந்த படம் பற்றிய அடுத்தடுத்த அறிவிப்புக்கள் விரைவில் வெளியிடப்படும் என எதிர்பார்க்கப்படுகிறது.