டாஸ்க்கும் மொக்க..ப்ரோமோவும் மொக்க..ஏதாவது புதுசா ட்ரை பண்ணுங்க பாஸ்..கலாய்க்கும் நெட்டிசன்ஸ்!

3வது முறையாக கேப்டன்

நேற்றைய பிக் பாஸ் நிகழ்ச்சி வழக்கம் போல சண்டை சச்சரவுகள் இல்லாமல் அமைதியாக சென்றது. கடந்த வாரம் நடந்த ஆதிவாசியும் ஏலியன்ஸ் டாஸ்கில் சிறப்பாக செயல்பட்ட மணிகண்டன், ஷிவின்,தனலட்சுமி மூவரும் கேப்டன் பதவிக்கு போட்டி போட்டனர். இந்த டாஸ்கில் மணிகண்டன் வெற்றி பெற்று வீட்டில் மூன்றாவது முறையாக கேப்டன் ஆனார்.

இந்த வார நாமினேஷன்

நேற்று நாமினேஷன் நடைபெற்றது இதில் பலரும் ஆயிஷா, ராம்,அசீம் ஆகியோரின் பெயரை கூறினார்கள். இதையடுத்து, இந்த வார நாமினேஷனில் ஆயிஷா,ராம்,அசீம்,ஏடிகே ஆகியோர் இருக்கிறார்கள். ஆதிவாசி டாஸ்கின் போது, ரச்சித்தா ஸ்மார்ட்டாக விளையாடி யாருக்கும் தெரியாமல் அனைத்து கற்களையும் ஆட்டைய போட்டதால், இந்த வாரம் நாமினேஷனில் இருந்து அவர் தப்பித்துள்ளார்.

புது டாஸ்க்

இதையடுத்து ஆட்டம் பாட்டத்துடன் புது டாஸ்க் போட்டியாளர்களுக்கு கொடுக்கப்பட்டுள்ளது. அதில்,ஒவ்வொரு போட்டியாளர்களுக்கும் ஒவ்வொரு கதாபாத்திரம் வழங்கப்பட்டுள்ளது. அந்த கதாபாத்திரமாகவே இந்த வாரம் முழுவதும் போட்டியாளர்கள் இருக்க வேண்டும். இதில் சிறப்பாக நடிக்கும் கேரக்டருக்கு சன்மானம் வழங்கப்படும்.

போகானாந்தா ஏடிகே

இதில், ஏடிகேவிற்கு போகானாந்தா, மைனாவிற்கு பூனை சேகர், ஷிவினிற்கு மாடர்ன் மோகினி, தனலஷ்மிக்கு மோசமணி, மணிக்கு பாலைய்யா, ரச்சிதாவிற்கு சீதா தேவி, அசிமிற்கு வக்கீல் கணேசன், ராமிற்கு தகுவரன், ஜனனிக்கு அராத்து வானதி, அமுதவாணனுக்கு எம்.ஆர்.ராதா, ஆயிஷாவுக்கு சூப்பர்வைசர் கதாபாத்திரம், விக்ரமனுக்கு கன்னியன் வேடமும் கொடுக்கப்பட்டுள்ளது.

மொக்கை டாஸ்க்

இந்நிலையில், இன்றைய எபிசோடுக்கான இரண்டாவது ப்ரோமோ வெளியாகி உள்ளது. இதில் போகானாந்தா ஏடிகேவும் ஆயிஷாவும் மாறி மாறி பேசிக்கொண்டு இருக்கின்றனர். இந்த ப்ரோமோவை பார்த்த ஃபேன்ஸ், இதெல்லாம் ஒரு ப்ரோமோவா என்றும், டாஸ்க்கும் மொக்கை , ப்ரோமோவும் மொக்கை என்று இணையத்தில் பங்கமாக கிண்டலடித்து வருகின்றனர்.