குரூப்பிசம் இருக்கா? கமலிடம் வசமாக சிக்கிய அன்பு டீம்.. அசீமிடம் பாய்ந்த மைனா!

வலுவான போட்டியாளர்கள்

பிக் பாஸ் சீசன் 6 இன்று 49வது நாளை எட்டி உள்ளது ஏறக்குறைய பாதி கிணறை போட்டியாளர்கள் தாண்டி விட்டார்கள். இனி வரும் நாட்களில் டாஸ்குகள் அனைத்தும் சும்மா மிரட்டலாக இருக்கும் என்பதால், இதில் யார் தாக்கு பிடித்து அடுத்த காட்டத்திற்கு செல்லப்போகிறார்கள் என்பது தெரியவில்லை. இந்த சீசனின் வலுவான போட்டியாளராக அசீம்,விக்ரம்,ஷிவின் இருக்கிறார்கள்.

டேஞ்சர் ஜோனில்

இந்த வாரம் நடந்த ஓப்பன் நாமினேஷனில் அசீம், தனலட்சுமி, ராபர்ட் மாஸ்டர், ராம், கதிரவன், அமுதவாணன் என ஏழு பேர் நாமினேஷனான நிலையில், நேற்றைய எபிசோடில் முதல் நபராக தனலட்சுமியும், அசீமும் காப்பாற்றப்பட்டதாக கமல் அறிவித்தார். ராபர்ட் மாஸ்டர், ராம் டேஞ்சர் ஜோனில் இருக்கிறார்கள்.

குரூப்பிசம் இருக்கா?

தற்போது வெளியாகி உள்ள இரண்டாவது ப்ரோமோவில், நீல நிற கோர்ட், தலையில் கேப்புடன் நாயகன் மீண்டும் வரார் என்ற பாடலில் என்ட்ரி கொடுத்த கமல் போல, சும்மா மாஸாக இருக்கிறார் கமல்ஹாசன். இந்த வீட்டில் குரூப்பிசம் இருக்கா? என்று கமல் கேட்க, ஆமாம், சார் சத்தியமா குரூப்பிசம் இருக்கு என்று ஆஜரான அசீம், மணி மற்றும் மைனா பெயரை கூறுகிறார்.

சவுண்டுவிட்ட மைனா

உடனே எழுந்த மைனா எதுவுமே தெரியாமல் பேசாதீங்க, பிரண்ட்ஷிப் வேற.. கேம் வேற... இல்லை உனக்கு அப்படித்தான் தெரியுது என்றால், அப்படியே வெச்சிக்கோ வீ டோன்ட் கேர் என்று கமலின் முன்பே மைனா சவுண்டு விட்டார். இதையடுத்து, கமல், ஆகமொத்தத்தில் குரூப்பிசம் இருக்கிறது என்பதுதான் ஊர்ஜிதமாகிறது என்று ஒரு போடு போட, மொத்த போட்டியாளர்களின் முகத்திலும் 'ஈ' ஆடவில்லை.