அட கொடுமையே...கன்டென்ட் இல்லையா...வேக் அப் சாங்கிற்கு ப்ரோமோ வெளியிட்ட பிக்பாஸ்

ப்ரோமோவிற்காக காத்திருப்பு

பிக்பாஸ் அல்டிமேட் துவங்கியது முதல் தினமும் அன்றைய நாளுக்காக நான்கு ப்ரோமோக்களை டிஸ்னி ப்ளஸ் ஹாட்ஸ்டார் தமிழ் வெளியிட்டு வருகிறது. இதில் முதல் ப்ரோமோவே அன்றைய தினத்திற்கான வேக்அப் சாங் தான். பொதுவாகவே பிக்பாஸ் நிகழ்ச்சியை பார்ப்பவர்களை விட, அதன் ப்ரோமோக்களை தவறாமல் பார்ப்பவர்கள் மிகவும் அதிகம். சோஷியல் மீடியா பக்கத்தில் பிக்பாஸ் ப்ரோமோ வெளியிடப்பட்ட சில நிமிடங்களிலேயே ஆயிரக்கணக்கானவர்கள் பார்த்து, கமெண்ட் செய்வார்கள். எப்போது அன்றைய நாளுக்கான ப்ரோமோவை வெளியிடுவார்கள் என காத்திருந்து, ப்ரோமோ வந்ததும் கமெண்ட் செய்யும் நெட்டிசன்கள் மிக அதிகம்.

கன்டென்ட்டுக்கு பஞ்சமா

பிக்பாஸ் டிவி வெர்சனுக்கு பரபரப்பாக ப்ரோமோ வெளியிட்டவர்கள் பிக்பாஸ் அல்டிமேட்டிற்கு ஆரம்பமே சலிப்படைய செய்வதாக ப்ரோமோ வெளியிடுவது பலரிடமும் அதிருப்தியை ஏற்படுத்தி உள்ளது. இதனை நெட்டிசன்கள் கலாய்த்து வருகின்றனர். வனிதா, சுரேஷ் சக்கரவர்த்தி, பாலாஜி முருகதாஸ், நிரூப், அபிராமி என சர்ச்சை, பரபரப்பிற்கு பஞ்மில்லாத 14 போட்டியாளர்கள் இருக்கையிலுமா கன்டென்டுக்கு பஞ்சம்? ஒருத்தர் தூங்கி எழுந்திருச்சு, ஆடுறத காட்டுறதுக்கா ப்ரோமோ என பலர் கேட்டுள்ளனர்.

அண்ணாச்சி உடைத்த உண்மை

இதில் மற்றொரு கவனிக்க வேண்டிய விஷயம் என்னவென்றால், பிக்பாஸ் சீசன் 5 ல் வெள்ளிக்கிழமை என்ன வேக்அப் சாங் போடுகிறார்களோ அதை வைத்தே அந்த வாரம் வெளியேற போகிறவர் யார் என்பதை தெரிந்து கொள்ளலாம் என இமான் அண்ணாச்சி, கமலிடமே கூறி இருந்தார். அதற்கு பிறகு அந்த வாரத்தில் எவிக்ட் ஆக போகிறவர் யார் என்பதை தெரிந்து கொள்வதற்காகவே, பலர் வெள்ளிக்கிழமை எபிசோட்டை தவறாமல் ஆரம்ப முதல் பார்க்க துவங்கினர்.

Recommended Video

Akshara செய்தது தப்பில்லை, Abhirami செய்தது தப்பா? | Thamarai-யை வெச்சி செய்த Netizens | BB Ultimate

இது ஒரு ப்ரோமோவா

அண்ணாச்சி இப்படி க்ளூவை எல்லோர் முன்னிலையிலும் போட்டு உடைத்து விட்டாரே என நினைத்தார்களோ என்னவோ, அதற்கு பிறகு சனிக்கிழமையன்று கமல் வரும் எபிசோட்களில் வெள்ளிக்கிழமை நிகழ்வுகளை காண்பிப்பார்கள். அதில் வேக் அப் சாங் இல்லாமலேயே எபிசோட்களை காட்ட துவங்கினர். ஆனால் 24 மணி நேரம் ஒளிபரப்பு உள்ளிட்ட பல எதிர்பார்ப்புக்களுடன் துவங்கப்பட்டுள்ள பிக்பாஸ் அல்டிமேட்டில் ஏன் இப்படி வேக் அப் சாங்கை கூட ப்ரோமோவாக போட்டு கடுப்பேற்றுகிறார்கள் என பலர் வேதனை தெரிவித்துள்ளனர்.