பிக்பாஸ் அல்டிமேட்...பாலாவிற்கு கிடைத்த பரிசுத் தொகை எவ்வளவு தெரியுமா?

ரசிகர்களை கவர்ந்த சிம்பு

ஆரம்பத்தில் இந்த நிகழ்ச்சியை கமல் தொகுத்து வழங்கி வந்த நிலையில், சிறிது நாட்களிலேயே அவர் இதிலிருந்து விலகுவதாக அறிவித்தார். அதற்கு பிறகு சிம்பு இந்த நிகழ்ச்சியை தொகுத்து வழங்கி வந்தார். சிம்பு தொகுத்து வழங்கிய விதம், நட்புடன் போட்டியாளர்களிடம் பேசுவது, ஜாலியான அவரின் நடவடிக்கை என அனைத்தும் ரசிகர்களை பெரிய அளவில் கவர்ந்தது. இதனால் பலர் பிக்பாஸ் அல்டிமேட் நிகழ்ச்சியை பார்க்க துவங்கினர்.

டைட்டில் வின்னர் பாலா

14 போட்டியாளர்களுடன் 2 வைல்ட் கார்டு என்ட்ரியாக மொத்தம் 16 பேர் போட்டியில் பங்கேற்றனர். 70 நாட்கள் நடந்த இந்த நிகழ்ச்சியின் இறுதிப் போட்டி நேற்று நடைபெற்றது. இறுதிப் போட்டிக்கு பாலாஜி முருகதாஸ், நிரூப், தாமரை, ரம்யா பாண்டியன் ஆகியோர் தகுதி பெற்றனர். இவர்களில் பாலா, பிக்பாஸ் அல்டிமேட் முதல் சீசனின் டைட்டிலை வென்றார்.

இவ்வளவு பரிசுத் தொகையா

பிக்பாஸ் அல்டிமேட்டில் வெற்றி பெற்ற பாலாவிற்கு கோப்பையை, சிம்பு வழங்கினார். டிராஃபியுடன் ரூ.20 லட்சம் அவருக்கு பரிசாக வழங்கப்பட்டது. பிக்பாஸ் அல்டிமேட் நிகழ்ச்சிக்காக அவருக்கு பேசப்பட்ட சம்பள தொகை மற்றும் டைட்டில் வின்னர் பரிசுத் தொகை என மொத்தமாக ரூ.50 லட்சத்தை எடுத்துச் சென்றார் பாலா. ஆன்லைனில் நடத்தப்பட்ட ஓட்டுப்பதிவில் பாலாவுக்கு 63 சதவீதம் ஓட்டுக்கள் கிடைத்துள்ளதாக சொல்லப்படுகிறது.

ஜுலி தான் பாலா வின் பண்ண காரணமா

ரன்னர் அப்பை நிரூப்பும், இரண்டாவது ரன்னர் அப்பை ரம்யா பாண்டியனும் வென்றுள்ளனர். நான்காவது இடம் தாமரைக்கு கிடைத்துள்ளது. ஐந்தாவது இடம் ஜுலிக்கும், ஆறாவது இடம் அபிராமிக்கும் கிடைத்துள்ளது. ஜுலி வெளியேறி சென்ற பிறகு பாலாவிற்கு பதிவான ஓட்டுக்கள் மற்றும் ரசிகர்கள் கூட்டம் பல மடங்கு அதிகரித்து விட்டதாக கூறப்படுகிறது.