எனக்கும் அந்த நடிகைக்கும் திருமணமா? விளக்கம் கொடுத்த சித்தார்த் மல்ஹோத்ரா!

சித்தார்த் மல்ஹோத்ரா - கியாரா அத்வானி

இந்த நட்சத்திர தம்பதிகளில் வரிசையில் தற்போது சித்தார்த் மல்ஹோத்ரா மற்றும் நடிகை கியாரா அத்வானியும் இணைய உள்ளதாக தகவல் வெளியாகி உள்ளது. நீண்ட நாட்களாக டேட்டிங் செய்து வந்த இவர்கள் இருவரும் திருமணம் செய்து கொள்ள திட்டமிட்டுள்ளதாக கூறுப்படுகிறது. பிப்ரவரி 4 மற்றும் 5 ஆம் தேதி ராஜஸ்தானில் உள்ள ஜெய்சல்மர் பேலஸ் ஹோட்டலை இவர்கள் முன்பதிவு செய்துள்ளதாக கூறப்படுகிறது.

மெஹந்தி நிகழ்ச்சி

திருமணத்திற்கு முந்தைய நிகழ்வான மெஹந்தி, ஹல்டி மற்றும் சங்கீத் போன்ற நிகழ்ச்சிகளுக்கான ஏற்பாடுகள் முழுவீச்சில் நடந்து வருவதாகவும், திருமணத்திற்கான ஆடைகள் குறித்து விவாதிப்பதற்காக இருவரும் கடந்த வாரம் ஆடை வடிவமைப்பாளர் மனீஷ் சித்தார்த் மல்ஹோத்ராவின் சென்று வீட்டிற்கு சென்றுள்ளதாகவும் கூறப்படுகிறது.

பொய்யானது

இந்நிலையில், இணையதளம் ஒன்றுக்கு பேட்டி அளித்த சித்தார்த், தனது திருமணம் பற்றி பரவி வரும் செய்தி முற்றிலும் பொய்யானது வதந்தி என்றார். இதுவரை யாரும் எனது திருமணத்திற்கு அழைக்கவில்லை என்றும், எனது தனிப்பட்ட வாழ்க்கையை பற்றி மக்கள் ஊகிக்காமல் இருந்தால் நன்றாக இருக்கும், அதற்கு பதிலாக நான் நடிக்கும் படங்களை விரும்பி பார்த்தால் நன்றாக இருக்கும் என்று கூறினார்.

வதந்திக்கு காரணம்

கியாரா அத்வானி சமீபத்தில், புதிய பிரைடல்வேர் விளம்பரத்திற்காக சிவப்பு பாரம்பரிய லெஹங்கா அணிந்து தலையில் சிவப்பு முக்காடு அணிந்திருந்தார் இந்த விளம்பரம் தான் இவர்களின் திருமண வதந்திக்கு காரணம் என்று கூறப்படுகிறது. தற்போது சித்தார்த் 'மிஷன் மஜ்னு' படத்தில் ராஷ்மிகா மந்தனாவுடன் இணைந்து நடிக்கிறார். அதேபோல, கியாரா அத்வானி கார்த்திக் ஆர்யனுடன் 'சத்யபிரேம் கி கதா' படத்தில் நடித்து வருகிறார்.