கோலிவுட்டில் 13 ஆண்டுகள்.. சூர்யா 42 குழுவினருடன் கேக் வெட்டி கொண்டாடிய யோகிபாபு!

காமெடி நடிகர் யோகிபாபு

நடிகர் யோகிபாபு கடந்த 2009ல் வெளியான யோகி என்ற திரைப்படத்தின்மூலம் கோலிவுட்டில் அறிமுகமானார். இந்தப் படத்தில் அமீர் லீட் கதாபாத்திரத்தில் நடித்திருந்தார். சுப்ரமணிய சிவா இயக்கத்தில் வெளியானது யோகி படம். இந்தப் படத்தில் நடித்த பாபு, தற்போது யோகி பாபுவாக முன்னணி காமெடியனாக வலம் வந்துக் கொண்டிருக்கிறார். ரஜினி, விஜய், அஜித் என முன்னணி நடிகர்களுடன் இணைந்து நடித்து வருகிறார்.

காமெடி ஹீரோவாக சிறப்பு

இது மட்டுமில்லாமல் மண்டேலா, கூர்க்கா என பல படங்களில் ஹீரோவாகவும் நடித்து ரசிகர்களை கவர்ந்து வருகிறார். முன்னதாக சின்னத்திரையிலும் 6 ஆண்டுகள் சிறப்பாக செயல்பட்ட யோகிபாபு, அதன் அறிமுகத்தாலேயே பெரியத் திரையில் கால்பதித்து தற்போது சிறப்பான அங்கீகாரத்தை ரசிகர்களிடையே பெற்றுள்ளார். இதனிடையே சின்னத்திரை மற்றும் பெரியத் திரை என 19 ஆண்டுகளை கடந்துள்ளார்.

அடுத்தடுத்த வெற்றிப் படங்கள்

சமீபத்தில் லவ் டுடே படத்தில் நடித்துள்ள யோகிபாபு நடிப்பில் அடுத்தடுத்த படங்கள் ரிலீசுக்கு தயாராகி வருகின்றன. வரும் டிசம்பர் 9ம் தேதி யோகிபாபு நடிப்பில் தாதா படம் வெளியாகவுள்ளதாக அறிவிக்கப்பட்டுள்ளது. அடுத்தடுத்து தூக்குதுரை உள்ளிட்ட படங்களும் ரிலீசாக உள்ளன. இதனிடையே தாதா படத்தில் யோகிபாபு ஹீரோ என்று கருதப்பட்ட நிலையில், படத்தில் நிதின் சத்யாதான் ஹீரோ என்று தெளிவுப்படுத்தியுள்ளார்.

சூர்யா 42 குழுவினருடன் கொண்டாட்டம்

இதனிடையே தனது 19 ஆண்டுகால திரைத்துறை பயணத்தை சூர்யா 42 படக்குழுவினருடன் இணைந்து கேக் வெட்டி கொண்டாடி மகிழ்ந்துள்ளார் யோகிபாபு. படத்தின் இயக்குநர் சிவாவுடன் யோகிபாபு கேக் வெட்டி கொண்டாட்டத்தில் ஈடுபட்ட புகைப்படத்தை தனது ட்விட்டர் பக்கத்தில் அவர் இணைத்துள்ளார். மேலும் இந்தப் பயணத்தில் தன்னுடைன் பயணித்த அனைத்து இயக்குநர்கள், தொழில்நுட்ப கலைஞர்கள் அனைவருக்கும் நன்றி தெரிவித்துள்ளார்.

அடுத்தடுத்த வெற்றிக் கூட்டணி

அடுத்தடுத்த சிறப்பான கதைக்களங்களில் யோகிபாபுவை ரசிகர்களை தொடர்ந்து கண்டு களித்து வருகின்றனர். இவரது கோலமாவு கோகிலா, மண்டேலா உள்ளிட்ட படங்கள் ரசிகர்களை வெகுவாக கொண்டாட செய்தது. தற்போது யோகிபாபுவின் கால்ஷீட்டிற்காக சூர்யா 42 படக்குழுவினர் காத்திருந்து பெற்றது குறிப்பிடத்தக்கது.