கெளதம் மேனனின் அன்புச்செல்வன்...ஒரு போஸ்டரை வைத்து எப்படியெல்லாம் கிளப்பி விடுறாங்க

அன்புச்செல்வன் ஃபஸ்ட்லுக்

இந்நிலையில் கெளதம் மேனன் நடிக்கும் புதிய படம் பற்றிய அறிவிப்பு வெளியிடப்பட்டுள்ளது. அன்புசெல்வன் என பெயரிடப்பட்டுள்ள இந்த படத்தின் ஃபஸ்ட்லுக்கை விஷ்ணு விஷால் வெளியிட்டார். இதில் கெளதம் மேனனின் அன்புசெல்வன், டைரக்டர் வினோத் என உள்ளது. மூன்று கோணங்களில் திரும்பி நிற்கும் கெளதம் மேனனின் உருவம் இந்த போஸ்டரில் இடம் பெற்றுள்ளது.

காக்க காக்க 2 ஆ

இந்த ஃபஸ்ட்லுக் போஸ்டரை பார்த்து விட்டு, இது காக்க காக்க படத்தின் இரண்டாம் பாகமா என கேட்டு வருகின்றனர். காக்க காக்க படத்தில் சூர்யா நடித்திருந்த கேரக்டரின் பெயர் அன்புசெல்வன் என்பதால் ரசிகர்கள் இதை கேட்டு வருகின்றனர். ஆனால் இது மீண்டும் ஒரு ஸ்டைலாக போலீஸ் கதை என்பது தெளிவாக தெரிகிறது.

வாழ்த்து சொன்ன பா.ரஞ்சித்

இந்நிலையில் அன்புசெல்வன் படத்தின் மற்றொரு போஸ்டரில், கெளதம் மேனன் கையில் துப்பாக்கியுடன் இருக்கும் ஸ்டில்கள் இருக்கிறார். இந்த போஸ்டரை ட்விட்டரில் பகிர்ந்த டைரக்டர் பா.ரஞ்சித் இதற்காக வாழ்த்து தெரிவித்து, இந்த படத்தில் கெளதம் மேனனின் அதிரடி ஆக்ஷன் நடிப்பை பார்க்க காத்திருப்பதாக குறிப்பிட்டிருந்தார்.

அதிர்ச்சியாக உள்ளது

ஆனால் இதற்கு பதில் பதிவிட்டுள்ள கெளதம் மேனனோ, இந்த தகவல் எனக்கு அதிர்ச்சியாக இருக்கிறது. எந்த படத்தில் நான் இப்படி நடித்திருக்கிறேன் என தெரியவில்லை. இந்த போஸ்டரில் இருக்கும் டைரக்டரை நான் சந்தித்ததே இல்லை என தெரிவித்துள்ளார். கெளதம் மேனனின் இந்த பதிவு அனைவரையும் குழப்பமடைய வைத்துள்ளது.

என்னப்பா நடக்குது இங்க

இந்த ஃபஸ்ட்லுக் போஸ்டரை வெளியிட்ட விஷ்ணு விஷாலும், கெளதம் மேனனுக்கு வாழ்த்து தெரிவித்திருந்தார். அவரின் ஸ்டைலான நடிப்பை பார்க்க ஆர்வமாக இருப்பதாகவும் அவர் குறிப்பிட்டிருந்தார். கெளதம் மேனனுக்கே தெரியாமல் எப்படி இந்த போஸ்டர் டைரக்டரின் பெயருடன் வெளியிடப்பட்டிருக்கும் என ரசிகர்கள் கேள்வி எழுப்பி வருகின்றனர்.