எம்.எஸ்.சுப்புலட்சுமி வாழ்க்கை வரலாறு.. வித்யாபாலன் படத்துக்கு தடை

ராஜீவ் மேனனின் புதிய படம்

'மின்சாரக்கனவு, கண்டுகொண்டேன் கண்டுகொண்டேன்' வெற்றிப்படக்களைத் தந்தராஜீவ் மேனனின் அடுத்த கதைக்களம், கர்நாடக இசைப்பாடகி மறைந்த எம்.எஸ்.சுப்புலட்சுமி வாழ்க்கை.

சிலுக்கான வித்யா...

வித்யாபாலன் ஏற்கனவே ‘த டர்ட்டி பிக்சர்' என்ற இந்தி படத்தில் சில்க் ஸ்மிதா வேடத்தில் கவர்ச்சியாக நடித்து பரபரப்பு ஏற்படுத்தினார். இதில் நடித்ததற்காக அவருக்கு சிறந்த நடிகைக்கான தேசிய விருது கிடைத்தது.

எம்.எஸ்.சுப்புலட்சுமியாகும் வித்யா...

எம்.எஸ். சுப்புலட்சுமி வேடத்தில் வித்யாபாலன் நடிப்பார் என்று அறிவிப்பு வெளியானவுடன், அடுத்த விருது கனவு தொடங்கிவிட்டது வித்யாவிற்கு.

அதிரடி வழக்கு

சுறுசுறுப்பாக வளர்ந்து வரும் இப்படத்துக்கு எதிராக கேரளாவை சேர்ந்த டாக்டர் சோமபிரசாத் என்பவர் கோர்ட்டில் வழக்கு தொடர்ந்து தடை உத்தரவு பெற்றுள்ளார். இந்த வழக்கால் தற்போது படத்திற்கு இடையூறு ஏற்பட்டுள்ளது.

எங்களுக்கே உரிமை

தடை உத்தரவு வாங்கியது குறித்து டாக்டர் சோமபிரசாத் கூறியதாவது: 'எம்.எஸ். சுப்புலட்சுமி வாழ்க்கையை படமாக எடுக்க ஏற்கனவே நாங்கள் உரிமை வாங்கி வைத்துள்ளோம். ராஜீவ் மேனன் இதை படமாக்கப் போவதாக வெளியான செய்திகள் அதிர்ச்சி அளித்தன. எம்.எஸ்.சுப்புலட்சுமி வாழ்க்கையை படமாக்கும் உரிமை எங்களிடம் இருக்கிறது. எனவே தான் கோர்ட்டுக்கு போனோம்' என்றார்.