Bigg Boss Tamil 6: அடேங்கப்பா.. தனலட்சுமி பிக் பாஸ் வீட்டில் வாங்கிய சம்பளம் இத்தனை லட்சமா?

தனலட்சுமி எவிக்‌ஷன் நியாயமா

இந்த சீசனில் மக்கள் போட்டியாளராக பிக் பாஸ் நிகழ்ச்சிக்கு ஷிவின் மற்றும் தனலட்சுமி இருவரும் உள்ளே நுழைந்தனர். இதில், அசீமுக்கு இணையாக முதல் வாரத்தில் இருந்து கன்டென்ட் கொடுத்து வந்தவர் தனலட்சுமி என்றும் அவர் இந்த வாரம் வெளியேற்றப்பட்டது கடைசி நேர மோசடி என ரசிகர்கள் எதிர்ப்பை தெரிவித்து வருகின்றனர். தனலட்சுமி வெளியே போனது நல்லது தான். சும்மா கத்தி கத்தியே விளையாடுகிறேன் என வெறுப்பேற்றி வந்தார் என்றும் கமெண்ட்டுகள் குவிகின்றன.

எல்லாரையும் அனுப்பிடுங்க

மேலும், சில பிக் பாஸ் ரசிகர்கள் இந்த சீசனில் யார் வெளியே போனா எங்களுக்கு என்ன என்பது போலத்தான் ஷோவே இருக்கு.. ஒரேயடியாய் எல்லோரையும் அனுப்பிடுங்க என்றும் பங்கமாக கமெண்ட் போட்டு இந்த சீசனே நல்லா இல்லை என கழுவி ஊற்றி வருகின்றனர்.

தனலட்சுமியின் ஒரு நாள் சம்பளம்

டிக் டாக் பிரபலமான தனலட்சுமி கடும் முயற்சிகளுக்கு இடையே பிக் பாஸ் நிகழ்ச்சியில் போட்டியாளராக கலந்து கொண்டார். தனலட்சுமிக்கு இந்த ஷோவில் வாய்ப்பு கிடைத்த நிலையில், ஒரு நாள் சம்பளமாக 15 ஆயிரம் ரூபாய் வாங்கியதாக தகவல்கள் வெளியாகி உள்ளன.

இத்தனை லட்சமா

தனலட்சுமி பிக் பாஸ் நிகழ்ச்சியின் முதல் நாளில் இருந்து 76 நாட்கள் பிக் பாஸ் வீட்டில் இருந்த நிலையில், 11 லட்சத்து 40 ஆயிரம் ரூபாய் சம்பளமாக பெற்றுள்ளார் என தகவல்கள் வெளியாகி உள்ளன. இன்னும் கொஞ்ச நாள் இருந்துவிட்டு பெட்டியை எடுத்துக் கொண்டு தனலட்சுமி சென்றிருக்கலாம் என ரசிகர்கள் விருப்பம் தெரிவித்து வருகின்றனர்.

ஏகப்பட்ட வாய்ப்பு வரும்

பிக் பாஸ் நிகழ்ச்சிக்கு பிறகு பிக் பாஸ் ஜோடிகள் நிகழ்ச்சி மற்றும் விஜய் டிவி சீரியல்கள் அதையும் தாண்டி சினிமா வாய்ப்புகள் என ஏகப்பட்ட சான்ஸ் தனலட்சுமிக்கு அடுத்தடுத்து கிடைக்கும் அதை அவர் சரியாக பயன்படுத்திக் கொண்டு முன்னேற வேண்டும் என ரசிகர்கள் வாழ்த்தி வருகின்றனர்.