மீண்டும் இயக்குநராகும் தனுஷ்... அடுத்த படத்தின் அதிரடி அறிவிப்பு! #Dhanush37

இயக்குநராகும் தனுஷ்

'ப. பாண்டி' படத்துக்கு பிறகு மீண்டும் இந்த படத்தின் மூலம் இயக்குனர் அவதாரம் எடுக்கிறார் தனுஷ். அதுமட்டுமில்லாமல் அவரே இப்படத்தில் ஹீரோவாக நடிக்கவும் செய்கிறார். இந்தப் படத்தை ஶ்ரீ தேனாண்டாள் பிலிம்ஸ் நிறுவனம் தயாரிக்கிறது.

தனுஷின் 37-வது படம்

'துள்ளுவதோ இளமை' படத்தின் மூலம் 2002-ம் ஆண்டு நடிகராக அறிமுகமான தனுஷின் 37-வது படமாக இந்தத் திரைப்படம் உருவாகிறது. 15 ஆண்டுகளில் பல சாதனைகளைப் புரிந்து முன்னணி நடிகராக வளர்ந்திருக்கிறார் தனுஷ்.

இயக்குநர் தனுஷ்

நடிகராக தமிழில் கலக்கிய தனுஷ், பாலிவுட்டிலும் அறிமுகமாகி பாராட்டு பெற்றார். அடுத்து தயாரிப்பாளர் அவதாரம் எடுத்து 'வுண்டர்பார் பிலிம்ஸ்' நிறுவனத்தைத் தொடங்கினார். 'ப.பாண்டி' படத்தின் மூலம் இயக்குநராகி வரவேற்பைப் பெற்றவர் தற்போது தனது இரண்டாவது படத்தை இயக்கவிருக்கிறார்.

ஹாலிவுட்டில் தனுஷ்

'எக்ஸ்டிரானரி ஜர்னி ஆஃப் ஃபாகிர்' படத்தின் மூலம் இப்போது ஹாலிவுட்டிலும் அடியெடுத்து வைத்திருக்கிறார் தனுஷ். இந்தப் படம் வரும் ஆண்டில் ரிலீஸாக இருக்கிறது. இதன் மூலம் ஹாலிவுட் நடிகராகவும் வலம் வர இருக்கிறார்.