லூசிபர் தெலுங்கு ரீமேக்.. தனி ஒருவன் இயக்குனர் இயக்குகிறார்!

பல பாராட்டுகளை

ஒவ்வொரு வருடமும் மலையாளத்தில் வெளியாகும் திரைப்படங்கள் இந்திய அளவில் பல பாராட்டுகளையும் விருதுகளையும் பெற்று ரசிகர்களை கவர்ந்து வரும் நிலையில் சென்ற ஆண்டு மோகன்லால் நடிப்பில் வெளியான லூசிபர் திரைப்படம் மலையாள ரசிகர்களை மட்டுமல்லாமல் தமிழ் தெலுங்கு என அனைத்து மொழி ரசிகர்களையும் ரசிக்க வைத்து மாபெரும் வெற்றி பெற்றது.

அதிக வசூல்

மோகன்லால் கதாநாயகனாக நடிக்க அனைவருக்கும் ஹீரோவாக மட்டும் பரிச்சயமான நடிகர் பிரித்விராஜ் முதல் முறையாக இயக்கி இருந்த இந்த திரைப்படம் வெளியாகி சக்கைப் போடு போட்டு வசூலை வாரி குவித்த நிலையில் 2019ஆம் மலையாளத்தில் அதிக வசூல் செய்த திரைப்படம் என்ற பெருமையை லூசிபர் பெற்றுள்ளது.

முக்கியமான கதாபாத்திரம்

அரசியல் கதைக்களத்தை மையமாகக் கொண்டு உருவாகியிருந்த லூசிபர் திரைப்படத்தில் மோகன்லால் கதாநாயகனாக நடித்திருக்க நடிகை மஞ்சுவாரியார், விவேக் ஓபராய், இந்திரஜித் சுகுமாரன், டோவினோ தாமஸ் என பல நடிகர்கள் இதில் முக்கியமான கதாபாத்திரங்களில் நடித்திருந்தனர்.

ஹீரோவாக ஒப்பந்தமாகியுள்ளார்

வேதாளம் தெலுங்கு ரீமேக்கில் பரபரப்பாக நடித்து வரும் சிரஞ்சீவி அந்த கதாபாத்திரத்திற்காக மொட்டையடித்து உள்ள நிலையில் இப்பொழுது லூசிபர் திரைப்படம் தெலுங்கில் உருவாக ஹீரோவாக ஒப்பந்தமாகியுள்ளார்.

அதிகாரப்பூர்வ அறிவிப்பை

பெரும்பாலான தெலுங்கு காதல் திரைப்படங்களை தமிழில் இயக்கி வந்த இயக்குனர் மோகன் ராஜா இப்பொழுது லூசிபர் தெலுங்கு ரிமேக்கை இயக்க ஒப்பந்தமாகி இருக்க, நடிகர் சிரஞ்சீவியுடன் முதன்முறையாக இணைந்து பணியாற்றுவது பெருமையான விஷயம் என நெகிழ்ச்சியுடன் அதிகாரப்பூர்வ அறிவிப்பை ட்விட்டர் பக்கத்தின் மூலம் வெளியிட்டு உறுதிப்படுத்தியுள்ளார்.

அனைத்தும் பிளாக்பஸ்டர்

சமீபகாலமாகவே தொடர்ந்து ரீமேக் திரைப்படங்களாகவே நடித்து வரும் சிரஞ்சீவிக்கு அவை அனைத்தும் பிளாக்பஸ்டர் வெற்றி பெற்ற நிலையில் இப்பொழுது லூசிபர் திரைப்படமும் அவருக்கு மற்றுமொரு வெற்றித் திரைப்படமாக அமையும் என எதிர்பார்க்கப்படுகிறது.