குட்டி பவானிக்கு பிறந்தநாள்.. டிரெண்டாகும் #HBDMasterMahendran.. பிரபலங்கள், ரசிகர்கள் வாழ்த்து!

மாஸ்டருக்கு முன்பே

மாஸ்டர் படத்துக்கு முன்பே மாஸ்டர் பட்டத்தை சிறு வயதில் இருந்தே பெற்றுள்ள மகேந்திரனின் பிறந்தநாளை ரசிகர்கள் #HBDMasterMahendran என்ற ஹாஷ்டேக்கை போட்டு டிரெண்ட் செய்து கொண்டாடி வருகின்றனர். 1991ம் ஆண்டு ஜனவரி 23ம் தேதி ஹைதராபாத்தில் பிறந்தவர் மகேந்திரன். நாட்டாமை படத்தின் மூலம் சினிமாவில் அறிமுகமானார்.

செல்லப் பிள்ளை

முதல் படமான நாட்டாமை படத்தில் நான் பார்த்தேன் என சாட்சியாக நடித்து அசத்திய மாஸ்டர் மகேந்திரன், தாய்க்குலமே தாய்க்குலமே, மகா பிரபு, கோயம்பத்தூர் மாப்பிள்ளை, காதலா காதலா, நட்புக்காக, படையப்பா, மின்சார கண்ணா என ஏகப்பட்ட படங்களில் குழந்தை நட்சத்திரமாக நடித்து தமிழ் மக்களின் செல்லப்பிள்ளையாகவே மாறினார்.

குட்டி பவானி

இந்த பொங்கலுக்கு நடிகர் விஜய், விஜய்சேதுபதி நடிப்பில் இயக்குநர் லோகேஷ் கனகராஜ் இயக்கத்தில் வெளியான மாஸ்டர் படத்தில் விஜய்சேதுபதியின் சிறு வயது கதாபாத்திரத்தில் குட்டி பவானியாக மாஸ்டர் மகேந்திரன் வரும் ஆரம்ப காட்சிகள் எல்லாம் தியேட்டரில் வேற லெவல் விசில் சத்தம் காதை கிழித்து வருகிறது.

விஜய் ரசிகர்கள் வாழ்த்து

மாஸ்டர் படத்தில் நடித்துள்ள மாஸ்டர் மகேந்திரனின் பிறந்தநாளை தளபதி ரசிகர்கள் தற்போது ட்விட்டரில் ஹாஷ்டேக் உருவாக்கி டிரெண்ட் செய்து வருகின்றனர். மேலும், ஏகப்பட்ட விஜய் ரசிகர்கள் மற்றும் விஜய்சேதுபதி ரசிகர்கள் மகேந்திரனை வாழ்த்தி வருகின்றனர்.

ஹேப்பி பர்த்டே மச்சான்

மாஸ்டர் மகேந்திரனை போலவே சிறு வயதில் இருந்து நடித்து ரசிகர்களை கவர்ந்த நடிகர் சாந்தனு, தனது ட்விட்டர் பக்கத்தில் ஹேப்பி பர்த்டே மச்சான் என மாஸ்டர் மகேந்திரனின் பிறந்தநாள் காமன் டிபியை வெளியிட்டு வாழ்த்தி உள்ளார். ஏகப்பட்ட ரசிகர்களும், பிரபலங்களும் மாஸ்டர் மகேந்திரனை வாழ்த்தி வருகின்றனர்.

ரொம்பவே கஷ்டப்பட்டேன்

மாஸ்டர் படத்தின் ரிலீசுக்கு பிறகு சமீபத்தில் பேட்டியளித்திருந்த மாஸ்டர் மகேந்திரன், சிறு வயதில் கிடைத்த பெயருக்கு பிறகு, நடிகராக நடிக்க மிகவும் போராடினேன். ஆனால், சரியான வாய்ப்பு கிடைக்காமல் ரொம்பவே கஷ்டப்பட்டேன். இயக்குநர் லோகேஷ் கனகராஜ் இப்படியொரு வாய்ப்பை எனக்கு கொடுத்ததற்கு நன்றி கடன் பட்டுள்ளேன் என்று உருக்கமாக பேசியிருந்தார். குட்டி பவானி போல இன்னும் பல வெயிட்டான கதாபாத்திரத்தில் நடிக்க வாழ்த்துக்கள்!