கமல் - விவேக் ரசிகர்களிடையே மீண்டும் சண்டை... இவங்க பிரச்சினை ஓயவே ஓயாதா?

விவேக் பற்றி கேலி

இந்நிலையில் விவேக்கின் இந்த மரம் நடும் செயலை கேலி செய்யும் வகையில் கமல் ரசிகர் ஒருவர் டிவிட்டரில் கருத்து தெரிவித்தார். அதில், "மரம் நட்டுவைக்கிறோம். தண்ணீர் உங்க அப்பனா தருவார். காமெடி வேலை என்னவோ அது ஒன்றே உமது வேலை. புரியுதா. புரியலனா தெரிஞ்சவர்கள் கிட்ட தெரிஞ்சிக்க முயற்சிசெய்வீர்", என அதில் குறிபிட்டிருந்தார்.

கண்ணியமான பதிவு

இதனை ரீடிவீட் செய்த விவேக், "இந்த மனிதரின் கண்ணியமான பதிவு உங்கள் பார்வைக்கு " என பதிவிட்டார். இதை பார்த்த விவேக் ரசிகர்கள் பலரும் கொந்தளித்துவிட்டனர். டிவீட் செய்த நபர் கமல் ரசிகர் என்பதால், விவேக்குடன் கமலை ஒப்பிட்டு பதிவிட்டனர். பதிலக்கு கமல் ரசிகர்களும் விவேக்கை கடுமையாக விமர்சிக்க தொடங்கிவிட்டனர். இதையடுத்து அந்த நபர் தனது டிவீட்டை டெலிட் செய்துவிட்டார்.

விவேக்கிற்கு ஆதரவு

விவேக்குக்கு ஆதரவாக பலர் தங்கள் கருத்துகளை தெரிவித்தனர். அதில் ஒருவர், "வரும்காலங்களில் கோழி என்ற பறவையும் மாடு என்ற விலங்கும் மீன் என்ற நீந்தும் உயிரினமும்தான் இருக்கும்(மக்களின் தேவைக்காக).மத்ததெல்லாம் உறைவிடம் உணவு தண்ணீர் இல்லாமல் மடிந்துபோகும். மரம் வளர்ப்போம்..மழைபெறுவோம்..காடுகளை உருவாக்குவோம்", என குறிப்பிட்டுள்ளார்.

கவலை வேண்டாம்

மற்றொரு ரசிகர், "நீங்கள் இதை பற்றி எல்லாம் கவலை படாதீர்கள் அய்யா. நீங்கள் கலாம் அவர்களின் சொல்லுக்கினங்க எவ்வளவு மரம் நட்டு இருக்கிறீர்கள் என்பது நாடறியும். உங்கள் சேவை என்றும் தொடரட்டும்", என பதிவிட்டுள்ளார்.

தொடரும் மோதல்

இதுபோல் பலர் விவேக்கு ஆதரவு தெரிவித்து தங்கள் கருத்துக்களை பதிவிட்டு வருகின்றனர். அதேபோல் பாஸ்கர் கமலுக்கு ஆதரவாகவும் சிலர் தங்கள் கருத்துக்களை பதிவிட்டுள்ளனர். சில தினங்களுக்கு முன்பு இந்தியன் 2 படம் தொடர்பாக அதேபோல் கமல் - விவேக் ரசிகர்களிடையே மோதல் ஏற்பட்டது குறிப்பிடத்தக்கது.