பைக்கில் இருந்து கீழே விழுந்த அஜித்.. பதறிய ரசிகர்கள்.. டிரெண்டாகும் #GetWellSoonTHALA ஹாஷ்டேக்!

சின்ன காயம் தான்

சதுரங்க வேட்டை, தீரன் அதிகாரம் ஒன்று, நேர்கொண்ட பார்வை உள்ளிட்ட படங்களை இயக்கிய எச். வினோத் இயக்கத்தில், போனி கபூர் தயாரிப்பில், அஜித் நடிப்பில் உருவாகி வரும் படம் வலிமை. இந்த படத்தின் சண்டைக் காட்சி ஒன்று படமாக்கப்பட்டு வந்த போது, பைக்கில் இருந்து கீழே விழுந்த நடிகர் அஜித்துக்கு லேசான காயங்கள் ஏற்பட்டுள்ளன.

ஷூட் நிக்கல

வலிமை படத்தின் ஷூட்டிங்கில், அஜித்துக்கு, இப்படி ஒரு விபத்து ஏற்பட்டதை அறிந்த படக்குழுவினர், உடனடியாக ஷூட்டிங்கை நிறுத்த ஏற்பாடு செய்துள்ளனர். ஆனால், தனக்கு ஒண்ணுமில்லை என்றும், 20 நிமிட ஓய்வுக்குப் பிறகு, அந்த ஷூட்டை நிறைவு செய்து கொடுத்ததாகவும் தகவல்கள் டிரெண்டாகி வருகின்றன.

உங்க வலிமையை பார்க்கணும்

நடிகர் அஜித்துக்கு, இதற்கு முன்னதாக, பல முறை ஷூட்டிங் ஸ்பாட்டில் மற்றும் நிஜ ரேஸ்களிலும், ஏகப்பட்ட காயங்கள் பட்டுள்ளன. அவற்றை எல்லாம் அசால்ட்டாக கடந்து, மறுபடியும் தனது வலிமை தனது ரசிகர்களுக்கு நிரூபித்து காட்டி உள்ளார். இந்த முறையும் அஜித் மீண்டு வருவார், உங்க வலிமையை பார்க்க நாங்க வெயிட்டிங் என ரசிகர்கள் கமெண்ட் செய்து வருகின்றனர்.

காலையிலேயே கஷ்டமான செய்தி

நேர்கொண்ட பார்வை படத்தைத் தொடர்ந்து எச். வினோத் இயக்கத்தில் உருவாகி வரும் வலிமை படம் குறித்த எந்தவொரு தகவலும், இதுவரை வெளியே கசியாமல் ரகசியம் காக்கப் பட்டு வருகிறது. இந்நிலையில், காலையிலேயே ஒரு கஷ்டமான செய்தி, தல அஜித்துக்கு விபத்து ஏற்பட்டுள்ளது என அஜித் ரசிகர்கள் வருந்தி வருகின்றனர்.

பிரார்த்தனை

வலிமை படத்தின் சண்டை காட்சியின் போது ஏற்பட்ட காயம், தல அஜித்துக்கு தீவிர பாதிப்பை கொடுத்துள்ளதாகவும், அஜித் ஓய்வில் இருப்பதாகவும், தகவல்கள் வெளியாகி வருகின்றன. அதனால், தான், இந்தளவுக்கு அஜித் ரசிகர்கள், ஹாஷ்டேக்கை உருவாக்கி, அவர் சீக்கிரம் குணமாக வேண்டும் என தங்கள் பிரார்த்தனைகளை வைத்து வருகின்றார்களாம்.