ஊரத் தெரிஞ்சுக்கிட்டேன்.. உலகம் புரிஞ்சிக்கிட்டேன் கண்மணி.. ரொம்பவே ஃபீல் பண்ணி பாடிய ஜிபி முத்து!

புதிய ஹேர் ஸ்டைல்

படிய வாரிய தலையை பக்காவாக மாற்றி புதிய ஹேர் ஸ்டைல் உடன் வெர்ஷன் 2.0 வாகவே காட்சியளிக்கிறார் ஜிபி முத்து. மேலும், அவர் பேசுவது, அவர் செய்யும் செயல்கள் எல்லாமே மீம்களாக மாறி வருகின்றன. ஜிபி முத்துவின் அதிதீவிர ஆர்மியினர் தொடர்ந்து அவரை ஃபாலோ செய்து சோஷியல் மீடியாவில் டிரெண்ட் செய்து வருகின்றனர். ஓவியா ஆர்மியையே இவர்கள் ஓவர்டேக் செய்து விடுவார்கள் என கமெண்ட்டுகள் குவிந்து வருகின்றன.

அச்சச்சோ அழுதுட்டாரே

ஜிபி முத்துவுக்கும் தனலட்சுமிக்கும் இடையே சண்டை வெடித்த நிலையில், நான் உன்னை என்னோட மகளாட்டம் தான் நினைச்சு பேசினேன், ஆனால், நீ எப்படி நடிக்கிறன்னு மரியாதை எல்லாம் இல்லாமல் பேசக் கூடாது என பேச, அவ இவன்னு பேசாதீங்க என தனலட்சுமியும் எகிறினார். பின்னர், கண் கலங்கி ஹவுஸ்மேட்கள் முன்னாடி ஜிபி முத்து அழுத காட்சியை பார்த்து அவரது ரசிகர்கள் ஷாக் ஆகிவிட்டனர்.

ஊரத் தெரிஞ்சிக்கிட்டேன்

நீச்சல் குளம் அருகே படுத்துக் கொண்டு பேசிக் கொண்டிருந்த ஜிபி முத்து திடீரென எழுந்து ஊரத் தெரிஞ்சிக்கிட்டேன் உலகம் புரிஞ்சிக்டேன் கண்மணி.. என் கண்மணி என கைகளை அசைத்து பாடியதை அமுதவாணனும் சாந்தியும் ரசித்துப் பார்த்தனர். தற்போது அந்த காட்சிகள் சமூக வலைதளத்தில் டிரெண்ட் செய்யப்பட்டு வருகின்றன.

தனலட்சுமிக்கு எதிராக

பச்சக் குழந்தைன்னு பாலூட்டி வளர்த்தேன்.. பாலை குடிச்சிப்புட்டு பாம்பாக கொத்துதடின்னு ஜிபி முத்து பாடியதை கேட்ட ரசிகர்கள், குழந்தைன்னு நினைச்சு பேசிய தனலட்சுமி சண்டை போட்டதால் தான் தலைவர் வருத்தமாகி ரொம்பவே ஃபீல் பண்ணி பாடுறாருன்னு கமெண்ட் போட்டு வருகின்றனர்.

ஏகப்பட்ட கச்சேரி இருக்கு

ஜிபி முத்து பிக் பாஸ் வீட்டில் இருக்கும் வரை இன்னமும் ஏகப்பட்ட கச்சேரிகள் ரசிகர்களுக்கு காத்திருக்கிறது. ரொம்பவே எளிமையாகவும் வெளிப்படையாகவும் அவர் பேசி வருவதை பார்த்த பிக் பாஸ் ரசிகர்கள் அவருக்கு சப்போர்ட் செய்ய ஆரம்பித்து விட்டனர். இந்த சீசன் டைட்டில் வின்னரே ஜிபி முத்து தான் என இப்பவே சொல்ல தொடங்கி விட்டனர்.

சன்னி லியோன் படத்தில்

டிக் டாக் பிரபலமான ஜிபி முத்து சன்னி லியோனின் ஓ மை கோஸ்ட் படத்தில் முக்கிய கதாபாத்திரத்தில் நடித்துள்ளார். சதீஷ், தர்ஷா குப்தா எல்லாம் நடித்துள்ள அந்த படம் விரைவில் திரைக்கு வரப் போகிறது. ஜிபி முத்து பிக் பாஸ் நிகழ்ச்சியில் உள்ள நிலையில், சன்னி லியோன் பிக் பாஸ் வீட்டுக்கு புரமோஷனுக்கு வந்தாலும் ஆச்சர்யம் இல்லை என்கின்றனர்.