ரொம்ப அட்வான்சா இருக்காங்களே...2023 பொங்கல் ரேசில் இடம்பிடித்த படங்கள் இதோ

4 படம் கன்ஃபார்ம்

அப்படி 2022 ம் ஆண்டே ரிலீசாகும் என எதிர்பார்க்கப்பட்ட சில பெரிய நடிகர்களின் படங்கள், 2023 ம் ஆண்டு பொங்கலுக்கு ரிலீசாக உள்ளன. இதுவரை வெளியான தகவலின்படி பிரபாசின் ஆதிபுருஷ், ஹரிஹர வீர மல்லு, விஜய் தேவரகொண்டா 11, விஜய் 66 ஆகிய நான்கு படங்கள் 2023 பொங்கலுக்கு ரிலீசாவது உறுதியாகி உள்ளன. இந்த பட்டியலில் விரைவில் மேலும் பல படங்கள் இணையும் என எதிர்பார்க்கப்படுகிறது.

ஆதிபுருஷ்

இந்தியாவிலேயே மிக அதிகமாக 500 கோடி பட்ஜெட்டில் எடுக்கப்பட்டு வரும் படம் ஆதிபுருஷ். ராமாயணத்தை மையமாக கொண்டு எடுக்கப்பட்டு வரும் இந்த படத்தை பாலிவுட் டைரக்டர் ஓம் ராவத் இயக்கி வருகிறார். இந்தி, தெலுங்கு என ஒரே சமயத்தில் இரு மொழிகளில் படமாக்கப்பட்டு வரும் இந்த படம் பான் இந்தியன் படமாக ரிலீஸ் செய்யப்பட உள்ளது. பிரபாஸ், சைஃப் அலிகான், கிருத்தி சனோன் நடித்துள்ள இந்த படம் தமிழ், மலையாளம், கன்னட மொழிகளில் டப் செய்து வெளியிடப்பட உள்ளது. 2023 ம் ஆண்டு ஜனவரி 12 ம் தேதி இந்த படத்தை ரிலீஸ் செய்ய திட்டமிட்டுள்ளனர்.

ஹரி ஹர வீர மல்லு

டைரக்டர் கிருஷ் ஜகர்லமுன்டி எழுதி, இயக்கி உள்ள ஹரி ஹர வீர மல்லு படம் தெலுங்கில் மற்றொரு பீரியாடிக் ஆக்ஷன் சாகச படமாக எடுக்கப்பட்டு வருகிறது. இதில் டைட்டில் ரோலான வீர மல்லு ரோலில் பவன் கல்யாண் நடிக்கிறார். நிதி அகர்வால், அர்ஜுன் ராம்பால், ந்ரகீஸ் ஃபக்ரி நடிக்கும் இந்த படம் 17 ம் நூற்றாண்டில், முகலாய பேரரசின் போது நடப்பதாக எடுக்கப்பட்டு வருகிறது. தமிழ், தெலுங்கு உள்ளிட்ட 5 மொழிகளில் 2022 ம் ஆண்டு ஏப்ரல் மாதம் ரிலீஸ் செய்ய திட்டமிடப்பட்ட இந்த படம் பல காரணங்களால் தள்ளி போடப்பட்டு, தற்போது 2023 ம் ஆண்டு பொங்கலுக்கு தள்ளி வைக்கப்பட்டுள்ளது.

விடி 11

விஜய் தேவரகொண்டாவின் 11வது படத்திற்கு விடி 11 என தற்காலிகமாக பெயரிடப்பட்டுள்ளது. தற்போது இந்த படத்தின் ஷுட்டிங் காஷ்மீரில் நடைபெற்று வருகிறது. விஜய் தேவரகொண்டாவின் பிறந்தநாளை முன்னிட்டு இந்த படத்தின் 16 நாள் ஷுட்டிங் கிளிம்ப்ஸ் வெளியிடப்பட்டுள்ளது. இந்த படத்தின் ஃபர்ஸ்ட்லுக் போஸ்டர் மே 16 ம் தேதி வெளியிடப்பட உள்ளது. ஷிவா நிர்வானா இயக்கி வரும் இந்த படத்தில் விஜய் தேவரகொண்டாவிற்கு ஜோடியாக சமந்தா நடிக்கிறார். காஷ்மீர், விசாகப்பட்டினம் உள்ளிட்ட இடங்களில் இடத்தின் ஷுட்டிங் நடத்தப்பட்டு வருகிறது.

விஜய் 66

விஜய்யின் 66 வது படமாக உருவாகி வரும் தளபதி 66 படத்தை வம்சி பைடபள்ளி இயக்கி வருகிறார். ராஷ்மிகா மந்தனா, பிரபு, சரத்குமார், ஷாம், யோகிபாபு, பிரகாஷ்ராஜ், ஜெயசுதா உள்ளிட்டோர் நடித்து வரும் இந்த படத்தை தில் ராஜு தயாரிக்கிறார். இந்த படத்தின் ஷுட்டிங் தற்போது ஐதராபாத்தில் அமைக்கப்பட்டுள்ள செட்டில் நடத்தப்பட்டு வருகிறது. இந்த ஆண்டு தீபாளிக்கு ரிலீசாகும் என எதிர்பார்க்கப்பட்ட இந்த படம், தற்போது 2023 ம் ஆண்டு பொங்கலுக்கு ரிலீசாக உள்ளதாக அறிவிக்கப்பட்டுள்ளது.

இந்த படங்கள் வருமா

இந்த நான்கு படங்கள் தவிர ஷங்கர் இயக்கத்தில் ராம் சரண் இயக்கும் ஆர்சி 15 படமும் பொங்கல் ரேசில் பங்கேற்க வாய்ப்புள்ளதாக கூறப்படுகிறது. இந்த படத்தையும் தில் ராஜு தான் தயாரிக்கிறார். அதே சமயம், ஆர்சி 15 பொங்கலுக்கு வருவதற்கான வாய்ப்பு குறைவு. அடுத்த ஆண்டு கோடை விடுமுறைக்கு வரவே வாய்ப்புள்ளதாக கூறப்படுகிறது. 2023 பொங்கல் ரேசில் ரஜினியின் தலைவர் 169 படமும் இணைய வாய்ப்புள்ளதாக கூறப்படுகிறது.