”இட்லி” – டெக்னாலஜி தெரியாத 3 பாட்டிகளும், ஒரே ஒரு பேத்தியும்!

அப்பு மூவிஸ் தயாரிப்பில்:

இப்படத்தை "கதம்கதம்" படத்தைத் தயாரித்த அப்பு மூவீஸ் தயாரிக்கிறது. வித்யாதரன் இயக்கி வருகிறார்.

சரத்குமார் டூ உபேந்திரா:

இவர் ஏற்கனவே சரத்குமார் நடித்த வைத்தீஸ்வரன், கன்னடத்தில் உபேந்திரா நடித்த நியூஸ் படங்களை இயக்கியவர். தரண் இசையமைக்கும் இப்படத்திற்கு கண்ணன் ஒளிப்பதிவு செய்கிறார்.

டெக்னாலஜி பாட்டீஸ்:

டெக்னாலஜி தெரியாத 3 பாட்டிகள் இருக்கிறார்கள். அவர்களின் பேத்திக்கு ஒரு பிரச்சினை வருகிறது. அதிலிருந்து மீட்பதற்கு விபரீதமான முடிவை எடுக்கிறார்கள்.

இதுதான் கதையாம்பா:

இந்தக்கால டெக்னாலஜியை அவர்கள் பாணியில் பயன்படுத்தி எப்படிக் காப்பாற்றுகிறார்கள் முடிவு என்ன என்பதே படத்தின் கதையாம்.

மூன்று பாட்டிகள்:

அந்த 3 பாட்டிகளில் இன்பாவாக சரண்யாவும், ட்விங்கிளாக கோவை சரளாவும், லில்லியாக கல்பனாவும் நடிக்கிறார்கள்.

ஒரே ஸ்டார்ஸ் கூட்டம்:

பேத்தியாக சலீம் படத்தில் நடித்த அஸ்கிதா நடிக்கிறார். மேலும் "கத்தி" அனுகிருஷ்ணா, மனோபாலா, சுவாமிநாதன், இமான் அண்ணாச்சி, லொள்ளுசபா மனோகர் ஆகியோரும் நடிக்கிறார்கள். மாபியா கேங் லீடராக "நான் கடவுள்" ராஜேந்திரன் நடிக்கிறார்.

விரையில் வெள்ளித்திரையில்:

காமெடி படமாக உருவாகும் இப்படத்தின் படப்பிடிப்பு 6 ஆம் தேதி தொடங்கி ஒரே கட்டமாக தொடர்ந்து நடைபெற்று வருகிறது. விரைவில் படத்தை வெளியிட படக்குழுவினர் ஈடுபட்டு வருகின்றனர்.