கமல் - உதயநிதி இணையும் படத்தின் டைரக்டர் இவர் தானா?...வெளியான செம தகவல்

சிவகார்த்திகேயன் - கமல் படம்

விக்ரம் படத்தை தொடர்ந்து நடிகர் சிவகார்த்திகேயன் - சாய் பல்லவி நடிக்கும் படத்தை ராஜ்கமல் ஃபிலிம்ஸ் தயாரிக்க உள்ளதாக அறிவிக்கப்பட்டது. இந்த படத்தை, கெளதம் கார்த்திக் நடித்த ரங்கூன் படத்தை இயக்கிய ராஜ்குமார் பெரியசாமி இயக்குவதாக சொல்லப்பட்டது.

உதயநிதி - கமல் படம்

இதைத் தொடர்ந்து ராஜ்கமல் ஃபிலிம்சின் 54 வது தயாரிப்பாக உதயநிதி ஸ்டாலின் நடிக்கும் படத்தை தயாரிக்க உள்ளதாக சமீபத்தில் கமல் அறிவித்தார். ஆனால் இந்த படத்தில் நடிக்கும் மற்ற நட்சத்திரங்கள், இயக்குனர், இசையமைப்பாளர் உள்ளிட்ட தகவல்கள் மிக விரைவில் வெளியாகும் என்று கூறப்பட்டது.

கமல் - உதயநிதி பட டைரக்டர்

இந்த நிலையில் தற்போது இந்தப் படத்தை இயக்கும் இயக்குனர் குறித்த தகவல் கசிந்துள்ளது. ராஜ்கமல் பிலிம்ஸ் இண்டர்நேஷனல் மற்றும் ஆர் மகேந்திரன் இருவரும் இணைந்து தயாரிக்கும் உதயநிதி ஸ்டாலின் படத்தை இயக்குனர் பிரசாந்த் முருகேசன் இயக்க இருப்பதாக கூறப்படுகிறது. இவர் ஏற்கனவே சசிகுமார் நடித்த 'கிடாரி' மற்றும் வெப்தொடரான குயின் ஆகியவற்றை இயக்கியுள்ளார்.

ஷுட்டிங் எப்போ

ராஜ்கமல் பிலிம்ஸ் நிறுவனத்தின் 54வது படமாக உருவாகும் இந்த படத்தின் படப்பிடிப்பு விரைவில் தொடங்கும் என்றும், இந்த படத்தில் பணிபுரியும் நட்சத்திரங்கள் மற்றும் திரையுலக தொழில்நுட்ப கலைஞர்கள் குறித்த தகவல் மிக விரைவில் வெளியாகும் என்றும் கூறப்படுகிறது.