ப்பா.. என்னவொரு நடிப்பு.. விஷால் நிச்சயம் கம்பேக் கொடுப்பார் போல தெரியுதே.. மிரட்டும் லத்தி டிரைலர்!

லத்தி அடி

போலீஸ் ஸ்டேஷனில் சாதாரண கான்ஸ்டபிளாக இருக்கும் விஷால் லத்தி ஸ்பெஷலிஸ்ட்டாக இந்த படத்தில் நடித்துள்ளார். குற்றவாளிகளிடம் இருந்து உண்மையை வரவழைக்க லத்தியால் அடிக்கும் விஷால் எப்படி ஒட்டுமொத்த ரவுடிகள் கூட்டத்தையும் ஒரு பில்டிங்கில் வைத்து சூரசம்ஹாரம் செய்கிறார் என்பது தான் லத்தி படத்தின் கதையாக இருக்கும் என்பதை டிரைலர் உணர்த்துகிறது.

தொடர் தோல்வி

2018ம் ஆண்டு வெளியான இரும்புத்திரை படத்திற்கு பிறகு விஷால் நடிப்பில் வெளியான சண்டக்கோழி 2, அயோக்யா, ஆக்‌ஷன், சக்ரா, எனிமி மற்றும் வீரமே வாகை சூடும் உள்ளிட்ட 6 படங்கள் எதிர்பார்த்த அளவுக்கு போகவில்லை. இந்நிலையில், சரியான கம்பேக் கொடுக்க காத்திருந்த விஷால் வினோத் குமார் இயக்கத்தில் லத்தி படத்தில் நடித்துள்ளார்.

மிரட்டும் விஷால்

இந்த முறை மிஸ் ஆகவே கூடாது என்பதை போல லத்தியை கையில் எடுத்து எதிரிகளை பீட்டர் ஹெயின் மாஸ்டர் சண்டைக் காட்சிகளுடன் துவம்சம் பண்ண தயாராகி விட்டார். டிரைலரில் இடம்பெற்றுள்ள ஒவ்வொரு காட்சிகளுமே இந்த லத்தி படம் விஷாலையும் அவரது ரசிகர்களையும் நிச்சயம் ஏமாற்றாது என்றே எண்ணத் தூண்டுகிறது. அந்த அளவுக்கு கடும் உழைப்பை விஷால் இதில் கொட்டி இருப்பது ஃபிரேம் பை ஃபிரேம் பார்த்தாலே தெரிகிறது. ஆனால், திரைக்கதையில் எந்த சொதப்பலும் இல்லாமல் இருந்தால் படம் நிச்சயம் ஹிட் அடிக்கும்.

டிசம்பர் 22

விஷால், சுனைனா நடிப்பில் உருவாகி உள்ள லத்தி படம் வரும் டிசம்பர் 22ம் தேதி கிறிஸ்துமஸ் பண்டிகையை முன்னிட்டு வெளியாக உள்ளது. காக்கிச் சட்டை போட்டு போலீஸாக விஷால் இதற்கு முன் பல படங்களில் நடித்தாலும், நல்லா நடித்திருப்பது இதுதான் ஃபர்ஸ்ட் டைம் என ரசிகர்கள் கமெண்ட் போட்டு வருகின்றனர்.