'அசுரன்' தனுஷுக்கு டஃப் கொடுக்கப் போகும் நடிப்பு ராட்சசி

மஞ்சு வாரியர்

அசுரன் படத்தில் தனுஷுக்கு ஜோடியாக மலையாள நடிகை மஞ்சு வாரியர் நடிக்கிறார். மஞ்சு தனுஷை விட 5 வயது பெரியவர். இந்த ஜோடி மூலம் திருமணமாகி குழந்தை பெற்றாலும் முன்னணி ஹீரோக்களுக்கு ஜோடி சேர முடியும் என்ற நம்பிக்கை பிற நடிகைகளுக்கு வந்துள்ளது.

ராட்சசி

தனுஷ் எந்த படத்தில் நடித்தாலும் அந்த கதாபாத்திரமாகவே மாறிவிடுவார் என்பது அனைவருக்கும் தெரியும். இந்த விஷயத்தில் மஞ்சு வாரியரும் தனுஷ் போன்று தான். நடிப்பு ராட்சசி என்று பெயர் எடுத்தவர். அந்த அளவுக்கு அசத்தலாக நடிப்பார் அவர்.

நடிப்பு

அசுரன் படத்தில் தனுஷ், மஞ்சு வாரியர் இடையே நடிப்பில் கடும் போட்டி இருக்கும் என்று எதிர்பார்க்கலாம். தனுஷ் படம் ரிலீஸானால் அவரின் நடிப்பை பற்றி மட்டுமே அனைவரும் பேசுவார்கள். ஆனால் அசுரன் ரிலீஸானால் மஞ்சு வாரியரின் நடிப்பும் பேசப்படும் என்பதில் சந்தேகம் இல்லை.

கோலிவுட்

அசுரன் படம் மூலம் கோலிவுட் வருகிறார் மஞ்சு வாரியர். தனுஷுடன் சேர்ந்து நடிப்பதில் மகிழ்ச்சி என்று மஞ்சு தெரிவித்துள்ளார். மஞ்சுவின் கம் பேக் படமான ஹவ் ஓல்டு ஆர் யூ-வின் தமிழ் ரீமேக் தான் ஜோதிகா நடித்த 36 வயதினிலே படம் என்பது குறிப்பிடத்தக்கது.