கங்கிராட்ஸ் "கண்டம்"!... இந்தப் படத்துக்குத்தான் 2015ம் ஆண்டின் முதல் யு சான்றிதழ்!!

புதிய இசைக்குழு...

கானா பாலா, யுகபாரதி மற்றும் கண்ணன் பாடல்களை எழுத, இப்படத்தின் மூலம் A7 என்ற புதிய இசைக் குழுவினர் இசை அமைப்பாளர்களாக அறிமுகமாகியிருக்கிறார்கள். ஆர்.வெங்கடேசன் ஒளிப்பதிவு செய்துள்ளார்.

சின்னபாப்பா, பெரிய பாப்பா இயக்குநர்...

சின்னத்திரையில் ‘சின்ன பாப்பா பெரிய பாப்பா' போன்ற பல நகைச்சுவை தொடர்களை இயக்கி வெற்றி இயக்குநராக வலம் வந்த எஸ்.என்.சக்திவேல் இந்தப் படத்தை இயக்கியுள்ளார்.

யு சான்றிதழ்...

2015-ம் ஆண்டில் முதல் படமாக சென்சார் செய்யப்பட்ட இந்தப் படத்திற்கு ‘யு' சான்றிதழ் தரப்பட்டுள்ளது.

பெருமை...

இப்படம் தொடர்பாக அதன் தயாரிப்பாளர் வெங்கட்ராஜ் கூறுகையில், ‘ 2015-ம் ஆண்டின் முதல் சென்சார் படமே எங்களுடைய நிறுவனத்தின் படம் என்பதில் மிகப் பெருமையடைகிறோம். அதைவிட பெருமை, இந்தப் படத்திற்கு ‘யு' சர்டிபிகேட் கிடைத்திருப்பதுதான்.

மகிழ்ச்சி...

எங்களுடைய முதல் படமே அனைவரின் பாராட்டையும் பெற்றிருப்பதில் எங்களுக்கும் மகிழ்ச்சிதான். எங்களது படத்தை நம்பி வாங்கியிருக்கும் விநியோகஸ்தர்களும், தியேட்டர் உரிமையாளர்களும் இதைக் கேட்டு சந்தோஷமடைந்துள்ளனர்.

பிப்ரவரி ரிலீஸ்...

இவனுக்கு தண்ணில கண்டம் படத்தை அடுத்த மாதம் திரைக்கு கொண்டு வரும் வேலைகள் நடந்து கொண்டிருக்கிறது" என்றார்.