மீண்டும் ஒரு பிக் பாஸ் டீம் ரீயூனியன்.. வேல்முருகனும் ஜித்தன் ரமேஷும்.. பார்க்கவே சூப்பரா இருக்கு!

பாடகர் வேல்முருகன்

நாட்டுப்புற பாடகர் வேல்முருகன் பிக் பாஸ் வீட்டில் இருந்த வரை நகைச்சுவைக்கு பஞ்சமே இல்லாமல் இருந்தது. அதே போல அதிகமாக ஆஜீத்துக்கு ஓய்வு கொடுக்கப்பட்டு அவர் பாடல்களை பாடி வந்தார். அவர் பாடிய சில அம்மா பாடல்கள் மற்ற ஹவுஸ்மேட்களை கண்ணீர் கடலில் மூழ்க வைத்ததை யாரும் மறக்க மாட்டார்கள்.

கூல் போட்டியாளர்

இதுவரை எந்த ஒரு பிக் பாஸ் சீசனில் இப்படியொரு கூலான போட்டியாளரை யாருமே பார்த்திருக்க மாட்டார்கள். அந்த அளவுக்கு இந்த சீசனில் கூல் போட்டியாளராக ஜித்தன் ரமேஷ் இருந்தார். எப்படியாப்பட்ட பிரச்சனைகள் வீட்டுக்குள் நடந்தாலும், அதை பார்த்து அவர் கொடுக்கும் சின்ன சின்ன எக்ஸ்பிரஷன்கள் வேற லெவல்.

முதல் ரீயூனியன்

பிக் பாஸ் தமிழ் சீசனில் நேரடி போட்டியாளர்களாக கலந்து கொண்டு சீக்கிரமே எவிக்ட் ஆன ரேகா, சுரேஷ் சக்கரவர்த்தி, வேல்முருகன் மற்றும் சம்யுக்தா ஆகிய நால்வரும் சென்னையில் ஒரு இடத்தில் ஒன்று கூடி சந்தித்து தங்களது அன்பை வெளியேவும் தொடரும் அழகான ரீயூனியன் ரசிகர்களை வெகுவாக கவர்ந்தது.

அன்பு கேங்

அதே போல பிக் பாஸ் வீட்டில் அப்படி ஒற்றுமையாக இருந்த அர்ச்சனா, நிஷா, ஜித்தன் ரமேஷ் ஆகிய மூவரும், வெளியே வந்தும் தங்களது அன்பை தொடரும் விதமாக ஒன்றாக எடுத்துக் கொண்ட போட்டோவை வெளியிட்டு வைரலாக்கினர். பிக் பாஸ் நிகழ்ச்சி முடிய இன்னும் மூன்று வாரங்களே உள்ள நிலையில் இன்னொரு மிகப்பெரிய அன்பு கூட்டணி ரீயூனியன் இருக்கும் என்பது கன்ஃபார்ம்.

ஜித்தனும் முருகனும்

இந்நிலையில், தற்போது ஜித்தன் ரமேஷும் பாடகர் வேல்முருகனும் ஒன்றாக சந்தித்துக் கொண்டுள்ளனர். அப்போது அவர்கள் இருவரும் எடுத்துக் கொண்ட புகைப்படம் தற்போது இணையத்தில் வெளியாகி வைரலாகி வருகிறது. இருவரையும் பிக் பாஸ் வீட்டில் ரொம்பவே மிஸ் செய்வதாக ரசிகர்கள் கமெண்ட் பண்ணி வருகின்றனர்.

யாருடனும் சேரவில்லையா?

இதுவரை வெளியான போட்டியாளர்களிலேயே சனம் ஷெட்டி மற்றும் சுசித்ரா யாருடனும் சேர்ந்து ரீயூனியன் செலிபிரேட் செய்தது போல தெரியவில்லை. வேறு யாராவது அவர்களது நட்பு வட்டத்தினர் வெளியேறினால் அவர்களை சந்திப்பார்கள் என்று தெரிகிறது. சனம் ஷெட்டி தனது ரசிகர்களை குஷிப்படுத்த தனியாக ஏகப்பட்ட போட்டோக்களை பதிவேற்றி வருவது குறிப்பிடத்தக்கது.