முடிவுக்கு வரும் நீண்ட நாள் காத்திருப்பு.. ஜோஷ்வா: இமை போல் காக்க அப்டேட் இதோ!

நடிக்க தொடங்கினார்

கவுதம் மேனன் தொடர்ந்து அடுத்தடுத்த படங்களில் கவனம் செலுத்தி வருகிறார். இயக்குவது மட்டுமன்றி நடிக்கவும் தொடங்கியுள்ளார் கவுதம் மேனன். தற்போது நவரசா (கிட்டார் கம்பி மேலே நின்று) படத்தை இயக்கியும், ருத்ர தாண்டவம் படத்தில் நடித்தும் முடித்துள்ளார் கவுதம் மேனன்.

கால தாமதம்

கவுதம் மேனன் இயக்கத்தில் என்னை நோக்கி பாயும் தோட்டா, துருவ நட்சத்திரம், ஜோஷ்வா: இமை போல் காக்க ஆகிய படங்கள் நீண்ட காலமாக நிலுவையில் இருக்க அதில் என்னை நோக்கி பாயும் தோட்டா மட்டுமே ஒரு வழியாக 2019ம் ஆண்டு வெளிவந்தது. மற்ற படங்கள் இன்னும் வெளிவரவில்லை.

இந்தாண்டு வெளியீடு

அண்மையில் துருவ நட்சத்திரம் குறித்து கவுதம் மேனன் பேட்டியளித்தார். போஸ்ட் ப்ரோடக்ஷன் பணிகள் இன்னும் 10 நாட்கள் மீதம் இருப்பதாகவும், திட்டமிட்ட படி படத்தை முடித்து இந்த ஆண்டு இறுதிக்குள் படத்தை வெளியிடுவோம் எனவும் கவுதம் மேனன் உறுதியளித்துள்ளார்.

செப்டம்பர் வெளியீடு

அதைத்தொடர்ந்து தற்போது ஜோஷ்வா: இமை போல் காக்க அப்டேட் வெளியாகியுள்ளது. கவுதம் மேனன் இந்த படம் சார்ந்த பணிகளை முழுவதுமாக முடித்துள்ளதாகவும், தயாரிப்பு நிறுவனம் படத்தை பார்த்து மகிழ்ந்துள்ளதாகவும் சினிமா வட்டாரங்கள் தெரிவிக்கின்றன. படம் செப்டம்பரில் வெளியாகவுள்ளதாகவும் சொல்லப்படுகிறது.