கமலின் அடுத்த பட இசையமைப்பாளர் இவரா...இதை எதிர்பார்க்கவேயில்லையே

கமலின் அடுத்தபடம் தேவர்மகன் 2 ஆ

இந்நிலையில் சமீபத்தில் டிவி ரிலியாலிட்டி ஷோவில் சிறப்பு விருந்தினராக கலந்து கொண்ட கமல், அடுத்ததாக தான் மலையாள டைரக்டர் மகேஷ் நாராயணன் இயக்கும் படத்தில் தான் நடிக்க உள்ளதாக அறிவித்தார். இந்த படம் தேவர்மகன் 2 ஆக இருக்கலாம் என எதிர்பார்க்கப்படுகிறது.

அவர் தான் இவரா

கமல் இயக்கி நடித்த விஸ்வரூபம், விஸ்வரூபம் 2 உள்ளிட்ட படங்களுக்கு எடிட்டராகவும், மாலிக் உள்ளிட்ட படங்களை இயக்கியவர் தான் மகேஷ் நாராயணன். மேலும் மகேஷ் நாராயணன் ஒளிப்பதிவாளர், எடிட்டர் மற்றும் திரைக்கதை எழுத்தாளராக 50 க்கும் மேற்பட்ட படங்களில் பணியாற்றியுள்ளார்.

இவர் தான் கமலை இயக்க போகிறார்

மகேஷ் நாராயணின் முதல் திரைப்படமான Take-Off இந்திய மருத்துவ செவிலியர்கள் 2014 ஆம் ஆண்டில் ஈராக் கலவரத்தில் மாட்டிக்கொண்டதை, உணர்வுப்பூர்வமாக விவரிக்கும் அட்டகாசமான படைப்பாக அமைந்திருந்தது. இந்த படம் அவருக்கு உலகளவில் பெரும் அங்கீகாரத்தையும் பல விருதுகளையும் பெற்று தந்தது. மேலும் இந்தியளவிலும் உலகளவிலும் நிறைய திரைவிழாக்களில் கலந்து கொண்டது. அவரது இரண்டாவது திரைபடமான 'C U SOON' தனித்த கதைசொல்லல் மற்றும் நேர்த்தியான படைப்பாக பெரும் பாராட்டுக்களை பெற்றது.

இசையமைப்பாளர் இவரா

விக்ரம் படத்தின் ஷூட்டிங்கின் போது, கமலை மகேஷ் நாராயணன் சந்தித்திருந்த போட்டோ செம வைரலாகி இருந்தது. இந்நிலையில் மகேஷ் நாராயணன் இயக்கத்தில் கமல் ஹாசன் நடிக்கும் புதிய படத்துக்கு இசையமைப்பாளராக சுசின் ஷ்யாம் பணியாற்ற உள்ளதாக தகவல்கள் வெளியாகி உள்ளன.

என்னங்க...செம லிஸ்டா இருக்கு

சுசின் ஷ்யாம், 2018 இல் வரதன் மற்றும் 2019 இல் கும்பலங்கி நைட்ஸ் திரைப்படத்தின் மூலம் பிரபலமடையத் தொடங்கினார். அதன்பிறகு, வைரஸ் (2019), அஞ்சம் பத்திரா (2020), கப்பேலா (2020), டிரான்ஸ் (2020), கிலோமீட்டர்ஸ் & கிலோமீட்டர்ஸ் (2020), மாலிக் (2021), குருப் (2021) மற்றும் மின்னல் முரளி (2021) இறுதியாக மம்முட்டி நடிப்பில் அமல் நீரத் இயக்கிய பீஷ்ம பர்வம் (2022) போன்ற பல மலையாளப் படங்களில் பணியாற்றியவர்.

மீண்டும் இளைஞர்களுடன் கமல்

கும்பலங்கி நைட்ஸ் படத்திற்காக 2019 ஆம் ஆண்டுக்கான சிறந்த இசை அமைப்பாளருக்கான கேரள மாநில திரைப்பட விருதை சுஷின் பெற்றுள்ளார். மகேஷ் நாராயணன் Phantom Hospital எனும் படத்தை இந்தியில் தற்போது இயக்கி வருகிறார். மலையாளத்தில் பிரபலமாக இருக்கும் சுசின் ஷ்யாம் தற்போது கமல் படத்தில் இணைய உள்ளதால் மீண்டும் இளைஞர்களுடன் அமைக்க உள்ள புதிய கூட்டணியும் பிரம்மாண்ட வெற்றியை தரும் என எதிர்பார்க்கப்படுகிறது.