மருத்துவ பரிசோதனை முடிந்தது...டிஸ்சார்ஜ் ஆனார் கமல்ஹாசன்

பிக்பாசிற்கு வராத கமல்

மருத்துவமனையில் அனுமதிக்கப்பட்டதால் தான் தொகுத்து வழங்கி வந்த பிக்பாஸ் நிகழ்ச்சியிலும் அவரால் பங்கேற்க முடியவில்லை. இதனால் மருத்துவமனையில் இருந்தபடி வீடியோ கான்பிரன்சிங்கில் பங்கேற்று தான் நலமாக இருப்பதாக கூறினார். அந்த வாரம் கமலுக்கு பதில், நடிகை ரம்யா கிருஷ்ணன், பிக்பாஸ் நிகழ்ச்சியை தொகுத்து வழங்கினார்.

மீண்டும் மருத்துவமனையில் அனுமதி

அதன் பிறகு பிக்பாஸ் நிகழ்ச்சி, விக்ரம் ஷுட்டிங் ஆகியவற்றில் கமல் பங்கேற்று வந்தார். கடந்த வாரம் பிக்பாஸ் சீசன் 5 ஃபினாலே நிகழ்ச்சிக்கான ஷுட்டிங்கிலும் பங்கேற்றார் கமல். இதைத் தொடர்ந்து பிக்பாஸ் அல்டிமேட் நிகழ்ச்சிக்கான ப்ரோமோவிலும் நடித்தார். இந்நிலையில் நேற்று திடீரென அவர் மருத்துவமனையில் அட்மிட் செய்யப்பட்டதாக தகவல் வெளியானதால், ரசிகர்கள் கவலை அடைந்தனர்.

நலமாக உள்ளார் கமல்

ஆனால் அவர் வழக்கமான உடல் பரிசோதனைக்காக தான் மருத்துவமனையில் அனுமதிக்கப்பட்டுள்ளதாகவும், மற்றபடி அவர் நலமாக இருப்பதாகவும் கூறப்பட்டது. மருத்துவ பரிசோதனை முடிந்த பிறகு டிஸ்சார்ஜ் செய்யப்படுவார் என்றும் கூறப்பட்டது.

டிஸ்சார்ஜ் ஆனார் கமல்

இந்நிலையில் முழு உடற்பரிசோதனை மற்றும் கொரோனா பரிசோதனை மேற்கொள்ள போரூரில் உள்ள ராமசந்திரா மருத்துவமனையில் அனுமதிக்கப்பட்ட நடிகரும் மக்கள் நீதி மய்யம் தலைவருமான கமல்ஹாசன் இன்று காலை 11.30 மணியளவில் டிஸ்சார்ஜ் செய்யப்பட்டு வீடு திரும்பினார்.

விரைவில் ஷுட்டிங்கிற்கு திரும்புவார்

வரும் திங்கட்கிழமை முதல் கமல்ஹாசன் மீண்டும் படப்பிடிப்பிற்கு செல்ல உள்ளதாக தகவல் வெளியாகி உள்ளது. கமல் தற்போது நடித்து வரும் விக்ரம் படம் இறுதிக்கட்டத்தை எட்டி உள்ளது. இந்த படம் வரும் ஏப்ரல் மாதம் ரிலீஸ் செய்யப்பட உள்ளது. இதற்கிடையில் கமலின் ராஜ்கமல் இன்டர்நேஷனல் சிவகார்த்திகேயன் படத்தை தயாரிக்க உள்ளதாக அறிவிப்பு வெளியாகி உள்ளது. இது தேவர்மகன் 2 ஆ, இதில் கமலும் நடிக்கிறாரா என தெரியவில்லை.