'தெறி' கெட்ட வார்தையாமே? கவலையில் மலையாள ரசிகர்கள்

மலையாள ரசிகர்கள்

நடிகர் விஜய்க்கு மலையாளத்தில் தனி ரசிகர்கள் பட்டாளம் உள்ளது. தலைவா படத்திலேயே இது கண்கூடாக தெரிந்தது. ஜில்லா படத்திற்கு கேரளாவில் பிரம்மாண்ட விளம்பரங்கள் எல்லாம் செய்யப்பட்டது.

தெறிக்க விடும் தெறி

விஜய் நடித்த 59வது படத்திற்கு தெறி' என்ற டைட்டில் நேற்று முன் தினம் அறிவிக்கப்பட்டதும் தமிழகத்தில் உள்ள விஜய் ரசிகர்கள் உற்சாகம் அடைந்த அதே நேரத்தில் கேரளாவில் உள்ள விஜய் ரசிகர்கள் கடும் அப்செட்டில் இருக்கின்றார்களாம்.

கெட்ட வார்த்தையாமே

கேரளாவில் மலையாள சூப்பர் ஸ்டார்களின் படங்களுக்கு இணையாக விஜய்யின் ஒவ்வொரு படமும் கேரளாவில் சூப்பர் ஹிட் ஆகும். இந்நிலையில் ஒரு கெட்ட வார்த்தை விஜய்யின் படத்திற்கு டைட்டிலா? என கேரள விஜய் ரசிகர்கள் வருத்தத்தில் இருப்பதாக கூறப்படுகிறது.

தலைப்பு மாறுமா?

நடிகர் விஜய் இந்த படத்தின் தலைப்பை உடனடியாக மாற்ற வேண்டும் என்று சமூக வலைத்தளத்தில் வலியுறுத்தி வருகின்றனர். கேரள ரசிகர்களின் வேண்டுகோளை அடுத்து விஜய் தனது படத்தின் தலைப்பை மாற்றுவாரா? பொறுத்திருந்து பார்க்கலாம்.