For Quick Alerts
    ALLOW NOTIFICATIONS  
    For Daily Alerts

    இப்போதெல்லாம் விளம்பரத்துக்கே ரூ 5 கோடி வேணும்!- தயாரிப்பாளர் கேயார்

    By Shankar
    |

    இப்போதெல்லாம் விளம்பரத்துக்கு மட்டுமே ரூ 5 கோடி வரை தேவைப்படுகிறது. இந்த செலவுகள் குறைந்தால்தான் படங்கள் லாபம் பார்க்க முடியும் என்றார் தயாரிப்பாளர் சங்கத் தலைவர் கேயார்.

    ராவண தேசம் என்ற படத்தின் இசை வெளியீட்டு விழா நேற்று நடந்தது. இதில் விபி கலைராஜன் எம்எல்ஏ கலந்து கொண்டு இசைத் தட்டை வெளியிட்டார். தயாரிப்பாளர் சங்கத் தலைவர் கேயார் முதல் சிடியை பெற்றுக் கொண்டு பேசுகையில், "தமிழில் தற்போது நிறைய படங்கள் தயாராகின்றன.

    Keyaar

    பிலிம் இல்லாமல் டிஜிட்டல் படங்கள் எடுக்கலாம் என்ற நிலை வந்த பிறகு குறைந்த முதலீடு செய்து நிறைய பேர் படம் எடுக்க வருகிறார்கள். தயாரிப்பாளர் சங்கத்தின் கணக்குப்படி தற்போது 400 முதல் 450 படங்கள் புதிதாக தயாராகி வருகின்றன.

    பணம் இருந்தால் யார் வேண்டுமானாலும் படங்கள் தயாரிக்கலாம். ஆனால் அதை ரிலீஸ் செய்வதுதான் கஷ்டமானது. விளம்பரம், விநியோகம், தியேட்டர் புக்கிங் என பல நிலைகளை தாண்டிதான் ஒரு படம் ரிலீசாக வேண்டி இருக்கிறது.

    சிறிய படமாக இருந்தாலும் விளம்பரத்துக்கு மட்டும் ரூ.1 கோடி வேண்டும். அப்போதுதான் மக்களைச் சென்று அடையும். பெரிய படங்களுக்கு ரூ.3 கோடி முதல் ரூ.5 கோடி வரை விளம்பரத்துக்கு செலவு செய்கிறார்கள். இதுபோன்ற செலவுகள் குறைக்கப்பட வேண்டும்," என்றார்.

    அம்மா தேசம்

    படத்தின் தயாரிப்பாளர் கே. ஜெகதீஸ்வர ரெட்டி விழாவில் பேசும்போது அ.தி.மு.க. அரசின் சாதனைகளை அம்மா தேசம் என்ற பெயரில் படமாக எடுக்க உள்ளேன். முதல்வர் ஜெயலலிதா மக்களுக்கு நிறைவேற்றிய அனைத்து சரித்திர சாதனை திட்டங்களும் இப்படத்தில் இருக்கும், என்றார்.

    English summary
    Producer Council president Keyaar appealed to producers to reduce the cost of publicity.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X