ஆறிலிருந்து அறுபது வரை.. எல்லோருக்குமே தி லெஜண்ட் பிடிச்சிருக்கு.. லெஜண்ட் சரவணாவே போட்ட ட்வீட்!

தி லெஜண்ட்

இயக்குநர்கள் ஜேடி - ஜெர்ரி இயக்கத்தில் லெஜண்ட் சரவணன், ஊர்வசி ரவுத்தேலா, கீத்திகா, ராய் லக்‌ஷ்மி, யாஷிகா ஆனந்த், பிரபு, விவேக், யோகி பாபு, சுமன் உள்ளிட்ட பலர் நடிப்பில் இந்த வாரம் வெளியானது தி லெஜண்ட் திரைப்படம். டாக்டர் சரவணன் கதாபாத்திரத்தில் சுகர் பேஷண்ட்டுகளுக்கு இலவசமாக மருத்துவம் வழங்க முயற்சிக்கும் ஹீரோவை நல்லது செய்ய விடாமல் மருந்து மாஃபியா செய்யும் சூழ்ச்சியே தி லெஜண்ட் திரைப்படத்தின் கதை என்பது குறிப்பிடத்தக்கது.

மூன்று நாள் வசூல்

ஹாரிஸ் ஜெயராஜ் இசையில் பாடல்கள் அனைத்தும் பட்டையைக் கிளப்பி வரும் நிலையில், மூன்று நாட்கள் தி லெஜண்ட் திரைப்படம் 3 கோடி வரை வசூல் செய்துள்ளதாக தகவல்கள் வெளியாகி உள்ளன. அதிகாரப்பூர்வ அறிவிப்பை லெஜண்ட் சரவணனே வெளியிடுவார் என்றும் எதிர்பார்த்து வருகின்றனர். படத்தின் பட்ஜெட் 40 முதல் 50 கோடி என்றும் பாடல்களுக்கு பெரிய தொகையை செலவு செய்து பிரம்மாண்டமாக உருவாக்கி உள்ளனர் என்பதும் குறிப்பிடத்தக்கது.

6ல் இருந்து 60 வரை

தி லெஜண்ட் திரைப்படத்துக்கு கலவையான விமர்சனங்கள் மற்றும் அதிகப்படியான ட்ரோல்கள் குவிந்து வந்த நிலையில், லெஜண்ட் சரவணாவே களத்தில் இறங்கி, படம் நல்லாவே தியேட்டரில் ஓடுகிறது. 6ல் இருந்து 60 வயதினர் என அனைத்து தரப்புக்கும் படம் பிடித்துள்ளது என மக்கள் கருத்து சொல்லும் வீடியோக்களை ஷேர் செய்து புரமோஷன் செய்து வருகிறார்.

ஊர்வசி ரவுத்தேலா ஹேப்பி

பாலிவுட் நடிகை ஊர்வசி ரவுத்தேலா தனது இன்ஸ்டாகிராம் பக்கத்தில் புதிய போட்டோக்களை ஷேர் செய்து தனது முதல் தமிழ்ப் படம் மற்றும் பான் இந்தியா படமான தி லெஜண்ட் படம் ரிலீஸானது ரொம்பவே ஹேப்பி என பதிவிட்டுள்ளார். மும்பை பிரஸ் மீட்டில் தமிழ்நாட்டின் அடுத்த முதலமைச்சராக கூட லெஜண்ட் சரவணா மாறி விடுவார் என்றும் பேசி பெரும் பரபரப்பை கிளப்பினார்.