ராதே ஷ்யாம் ரிலீஸ் தள்ளிவைக்கப்படாது... உறுதியாக சொல்லும் தயாரிப்பாளர்கள்

ரசிகர்கள் கவலை

ஆர்ஆர்ஆர் படம் ஒத்திவைக்கப்படுவதாக அறிவிக்கப்பட்டதால் அடுத்து வெளியாக இருக்கும் ராதே ஷ்யாம் படமும் தள்ளிப் போகுமோ என ரசிகர்கள் கவலை அடைந்தனர். பிரபாஸ், பூஜா ஹெக்டே லீட் ரோலில் நடித்திருக்கும் ராதே ஷ்யாம் ரிலீசாகுமா என்ற குழப்பமும் ஏற்பட்டது.

ராதே ஷ்யாமும் தள்ளிவைப்பா

பான் இந்தியன் படமான ராதே ஷ்யாம் படத்தின் ரிலீசும் ஒத்திவைக்கப்படுவதாக சோஷியல் மீடியாக்களில் தகவல் பரவியது. ராதே ஷ்யாம் படத்தை ஜனவரி 14 ம் தேதி ரிலீஸ் செய்ய திட்டமிடப்பட்டிருந்தது. இந்நிலையில் சோஷியல் மீடியாக்களில் பரவும் தகவல் பற்றி தயாரிப்பாளர்கள் தரப்பில் விளக்கம் அளிக்கப்பட்டுள்ளது.

வதந்திகளை நம்ப வேண்டாம்

யுவி கிரியேஷன்ஸ் அளித்துள்ள விளக்கத்தில், ராதே ஷ்யாம் ரிலீஸ் தேதியில் எந்த மாற்றமும் இல்லை. பிரபாஸ் நடித்துள்ள ராதே ஷ்யாம் திட்டமிட்டபடி ஜனவரி 14 ம் தேதி திரைக்கு வரும். வதந்திகளை ரசிகர்கள் நம்ப வேண்டாம். ரிலீஸ் தேதியை தள்ளிவைக்கும் எண்ணமோ, மாற்றும் எண்ணமோ எங்களுக்கு இல்லை என தெரிவித்துள்ளனர்.

புதிய போஸ்டர் ரிலீஸ்

அதோடு ராதே ஷ்யாம் ரிலீசை உறுதி செய்வதற்காக ரிலீஸ் தேதி குறிப்பிடப்பட்ட மற்றொரு புதிய போஸ்டரை படக்குழு வெளியிட்டுள்ளது. இந்த போஸ்டர் படத்தின் ரிலீசை உறுதி செய்துள்ளது. தள்ளிவைப்பு என்ற வதந்திகளையும் அடித்து நொறுக்கி உள்ளது.