For Quick Alerts
    ALLOW NOTIFICATIONS  
    For Daily Alerts

    அய்யப்பனும் கோஷியும் நடிகர் அனில் நெடுமாங்கட் மரணம்.. ஏரியில் குளித்த போது பரிதாபமாக மூழ்கினார்

    |

    திருவனந்தபுரம்: பிரபல மலையாள நடிகர் அனில் நெடுமாங்கட் ஏரியில் குளித்த போது பரிதாபமாக மூழ்கி உயிரிழந்துள்ளார். அவருக்கு வயது 48.

    நடிகர் பிருத்விராஜ் நடிப்பில் வெளியான அய்யப்பனும் கோஷி திரைப்படத்தில் அய்யப்பன் நாயரின் உயர் அதிகாரியாக நடித்து அசத்தியவர் நடிகர் அனில் நெடுமாங்கட்.

    அய்யப்பனும் கோஷியும் பட இயக்குநர் சாச்சி கடந்த ஜூன் மாதம் 18ம் தேதி உயிரிழந்தது குறிப்பிடத்தக்கது.

    விலகினார் ஆமிர்கான்.. விக்ரம் வேதா இந்தி ரீமேக்கில் இணைந்த சூப்பர் ஹீரோ.. யாரு தெரியுமா?

    நீரில் மூழ்கி மரணம்

    நீரில் மூழ்கி மரணம்

    நண்பர்களுடன் விடுமுறை நாளை கொண்டாட தொடுபுழாவில் உள்ள மலங்காரா அணையில் குளித்த போது எதிர்பாராத விதமாக நீருக்குள் மூழ்கி பிரபல மலையாள நடிகர் அனில் நெடுமாங்கட் உயிரிழந்த செய்தி ஒட்டுமொத்த திரையுலகையும் அதிர்ச்சியில் ஆழ்த்தி உள்ளது. அவருக்கு வயது 48.

    அய்யப்பனும் கோஷியும் நடிகர்

    அய்யப்பனும் கோஷியும் நடிகர்

    சமீபத்தில் மறைந்த இயக்குநர் சாச்சி இயக்கத்தில் பிருத்விராஜ், பிஜு மேனன் நடிப்பில் வெளியாகி மிகப்பெரிய வெற்றியை பெற்ற படம் அய்யப்பனும் கோஷியும். அந்த படத்தில் காவல் துறை அதிகாரி அய்யப்பன் நாயரின் உயர் அதிகாரியாக அனில் நெடுமாங்கட் சிறப்பான நடிப்பை வெளிப்படுத்தி இருந்ததை ரசிகர்களால் ஒருபோதும் மறக்க முடியாது.

    அய்யப்பன் நாயர் பார்ட் 2

    அய்யப்பன் நாயர் பார்ட் 2

    கோஷியாக நடித்த நடிகர் பிருத்விராஜின் தந்தையுடன் மோதும் காட்சியில், அய்யப்பன் நாயர் முடியட்டும், அடுத்து பார்ட் 2வில் நாம் இருவரும் மோதிக் கொள்வோம் என சொல்லி சிறப்பாக நடித்திருப்பார். டிவி தொகுப்பாளராக பணியை தொடங்கிய அனில் 2014ம் ஆண்டு Njan Steve Lopez படத்தின் மூலம் அறிமுகமானார்.

    உடைந்து போன பிருத்விராஜ்

    ஒன்றுமில்லை.. இனி சொல்வதற்கு ஒன்றுமில்லை.. என்ன சொல்வதென்றே தெரியவில்லை.. உங்களுடைய ஆன்மா சாந்தியடையட்டும் அனில் ஏட்டா என நடிகர் பிருத்விராஜ் சுகுமாரன் மனம் உடைந்து தனது சமூக வலைதள பக்கங்களில் அவருடைய புகைப்படத்தை பகிர்ந்து ஆழ்ந்த இரங்கல் தெரிவித்துள்ளார்.

    அரசு மருத்துவமனைக்கு மாற்றம்

    அரசு மருத்துவமனைக்கு மாற்றம்

    அனில் ஏட்டாவின் பூத உடல் இன்னமும் மருத்துவமனையில் தான் உள்ளதாக தகவல்கள் வெளியாகி உள்ளது. தனியார் மருத்துவமனையில் இருந்து அரசு மருத்துவமனைக்கு மாற்றப்பட்டுள்ள நிலையில் பிரேத பரிசோதனை செய்யப்பட்டு உடல் விரைவில் குடும்பத்தாரிடம் ஒப்படைக்கப்படும் என தெரிகிறது.

    2020 இறுதியில் இன்னொரு சோகம்

    2020 இறுதியில் இன்னொரு சோகம்

    இந்த ஆண்டு ஏகப்பட்ட திரை ஜாம்பவான்கள் உயிர் பிரிந்துள்ளனர். 2020ம் ஆண்டு கொரோனா வைரஸ் தனியாக லட்சக் கணக்கான மனித உயிர்களை கொண்டு சென்றுள்ளது. இந்நிலையில், ஏரியில் நண்பர்களுடன் குளித்த போது எப்படி அவர் மூழ்கி இறந்தார் என்பது தெரியவில்லை. 2020 இறுதியில் இன்னொரு சோகத்தை சினிமா உலகம் அடைந்துள்ளது.

    English summary
    Malayalam actor Anil Nedumangad drowned in Malankara Dam today to take bath with his friends. He acted in Ayyappanum Koshiyum movie too.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X