மம்முட்டியின் ‘ரோர்சாச்’ சென்சார் அப்டேட்… புதிய ரிலீஸ் தேதியை அறிவித்த படக்குழு...

மெகா ஸ்டார் மம்முட்டி

மல்லுவுட் மெகா ஸ்டார் மம்முட்டி 70 வயதிலும் இளம் நடிகர்களுக்கு செம்ம டஃப் கொடுத்து நடித்து வருகிறார். அவர் தற்போது லிஜோ ஜோஸ் பெல்லிசேரி இயக்கத்தில் 'நண்பகல் நேரத்து மயக்கம்', நிஷாம் பஷீர் இயக்கத்தில் 'ரோர்சாச்' ஆகிய படங்களில் பிஸியாக இருக்கிறார். 'நண்பகல் நேரத்து மயக்கம்' படத்துக்கு ரசிகர்களிடம் பெரிய எதிர்பார்ப்பு காணப்படும் நிலையில், ரோர்சாச் படத்தின் புதிய அப்டேட்கள் வெளியாகியுள்ளன.

மிரட்டிய மம்முட்டியின் போஸ்டர்கள்

அதேபோல் மம்முட்டியின் 'ரோர்சாச்' திரைப்படமும் இப்போது மலையாள ரசிகர்களிடம் டிரெண்டிங்கில் உள்ளது. 'கெட்டியோலானு என்டே மலாக்கா' படத்தின் மூலம், பலரது கவனத்தையும் ஈர்த்த நிசாம் பஷீர், இந்தப் படத்தை இயக்கியுள்ளார். முதல் படமே மிகப் பெரிய ப்ளாக் பஸ்டர் ஹிட் ஆனதால், மம்முட்டியின் ரோர்சாச் படத்தின் எதிர்பார்ப்பும் தாறுமாறாக எகிறிப் போயுள்ளது. ஏற்கனவே இப்படத்தில் இருந்து மம்முட்டியின் மிரட்டலான போஸ்டர்கள் வெளியாகி மாஸ் காட்டியது. அதேபோல், படக்குழு வெளியிட்டு ரோர்சாச் மேக்கிங் வீடியோவும் செம்ம வைரலானது.

ரோர்சாச் சென்சார் அப்டேட்

இந்நிலையில், 'ரோர்சாச்' படத்தின் சென்ஸார் அப்டேட் தற்போது வெளியாகியுள்ளது. ஆக்சன் திரில்லர் ஜானரில் டெரராக உருவாகியுள்ள இந்தப் படத்துக்கு யு/ஏ சர்டிபிகேட் கிடைத்துள்ளது. படத்தில் ஆக்சன் காட்சிகள் அதிகமாக இடம்பெற்றுள்ளதால் யு/ஏ சர்டிபிகேட் கிடைத்துள்ளதாக சொல்லப்படுகிறது. கேங்ஸ்டர் லுக்கில் மம்முட்டியின் ஆக்சன் ட்ரீட்டை சுவைக்க அவரது ரசிகர்களும் வெயிட்டிங்கில் உள்ளனர். இந்தப் படம் செப்டம்பர் 30ம் தேதி வெளியாகும் என படக்குழு அறிவித்திருந்தது. ஆனால், சொன்ன தேதியில் படம் வெளியாகவில்லை.

புதிய ரிலீஸ் தேதி

'ரோர்சாச்' படம் ஏற்கனவே அறிவித்தபடி செப்டம்பர் 30ம் தேதி ரிலீஸாகாத நிலையில், ஒருவாரம் தாமதமாக அக்டோபர் 7ம் தேதி வெளியாகிறது. புதிய ரிலீஸ் தேதியால் மம்முட்டி ரசிகர்கள் உற்சாகத்தில் உள்ளனர். இந்தப் படத்தில் Halloween-style-இல் ரொம்பவே அதிர்ச்சியான கேரக்டரில் மம்முட்டி நடித்துள்ளதாக இயக்குநர் நிசாம் பஷீர் தெரிவித்துள்ளார். ரசிகர்களை வியப்பில் ஆழ்த்தும் திரில்லர் ஜானர் படமான 'ரோர்சாச்', நிச்சயம் அதிர்வுகளை ஏற்படுத்தும் என்றும் அவர் கூறியுள்ளது குறிப்பிடத்தக்கது.