மீராபாய் என்னுடைய சுத்தியை வைத்துக்கொள்ள தகுதியானவர்தான்: தோர் பட ஹாலிவுட் ஹீரோ பாராட்டு

சாதனை படைத்த மீராபாய்

காமன்வெல்த் போட்டியில் 49 கிலோ எடை பிரிவில் மொத்தம் 201 கிலோ எடையை தூக்கி, இந்தியாவுக்கு முதல் தங்கப் பதக்கம் வென்று கொடுத்தார் பளு தூக்கும் வீராங்கனை மீராபாய் சானு. ஸ்னாட்ச் சுற்றுக்குப் பிறகு சானு 12 கிலோ எடையை அதிகமாக்கி சாதனை படைத்தார். முதல் முயற்சியிலேயே 84 கிலோ எடையை தூக்கிய அவர், 2வது முயற்சியில் 88 கிலோ எடைதூக்கி தனது முந்தைய சாதனையை சமன் செய்தார். இதன்மூலம் கடந்த 22 ஆண்டுகளில் இந்த சாதனையை படைத்த முதல் இந்திய பெண் என்ற பெருமையையும் மீராபாய் பெற்றார்.

மீராபாய்க்கு குவிந்த பாராட்டுகள்

மீராபாயின் இந்த சாதனையை பலரும் பாராட்டியிருந்தனர். அதுமட்டுமின்றி நெட்டிசன்களின் தொடர் பாராட்டுகளால் மீராபாய் வாழ்த்து மழையில் நனைந்து வந்தார். இந்நிலையில், ஹாலிவுட் பிரபலம் ஒருவரும் அவரது சாதனையை உச்சிமுகர்ந்து பாராட்டியுள்ளார். இதனை ரசிகர்கள் உட்பட யாருமே எதிர்பார்க்கவில்லை. இதனால், மீரபாயும் தற்போது ரொம்பவே மகிழ்ச்சியில் உள்ளார்.

கோர்த்துவிட்ட பிரல ஜார்னலிஸ்ட்

மீராபாயின் இந்த சாதனையை பலரும் பலவிதமாக பாராட்டிய நிலையில், பிரபல ஜார்னலிஸ்ட் ஒருவர் ட்வீட் செய்திருந்தார். அதில், "தோர் அவரது கத்தியை மீராபாய்க்கு கொடுக்கும் நேரம் வந்துவிட்டது" என பதிவிட்டு, ஹாலிவுட் நடிகர் கிறிஸ் ஹெம்ஸ்வர்த்தை டேக் செய்திருந்தார். காரணம் அவர் குறிப்பிட்டிருந்த கத்தி, தோர் படத்தில் கிறிஸ் ஹெம்ஸ்வர்த் பயன்படுத்தியது. ஏன், அதுவே அந்த பாத்திரத்தின் அடையாளம் எனலாம்.

அட்வென்சர்ஸ் புகழ் கிறிஸ் ஹெம்ஸ்வர்த்

ஆஸ்திரேலிய நடிகரான கிறிஸ் ஹெம்ஸ்வர்த், மார்வெல் சீஸ்ஸினின் தோர் திரைப்படத்தில் நடித்து உலகளவில் பிரபலமானார். இப்படத்தில் இவர் சூப்பர் ஹீரோவாக, அதாவது இடியின் அரசனாக நடித்து ரசிகர்களை மிரட்டியிருந்தார். தோர், தோர்: தி டார்க் வேல்டு, தி அவேஞ்சர்ஸ், அவேஞ்சர்ஸ்: ஏஜ் ஆப் அல்ட்ரான் போன்ற படங்களில் நடித்துள்ள, இவருக்க, உலகம் முழுக்க ஏராளமான ரசிகர்கள் உள்ளனர்.

மீராபாய் சரியான ஆளுதான்

இந்நிலையில், மீராபாய்க்கு வாழ்த்து தெரிவித்து ஜார்னலிஸ்ட் போட்டிருந்த ட்வீட்டுக்கு, கிறிஸ் ஹெம்ஸ்வர்த் பதிலளித்துள்ளார். அதில், "மீராபாய் என்னுடைய சுத்தியை வைத்துக்கொள்ள தகுதியானவர் தான்" என, செம்ம கூலாக தெரிவித்துள்ளார். கிறிஸ் ஹெம்ஸ்வர்த்தின் இந்த ட்வீட்டர் பதிவு, ரசிகர்களிம் வைரலாகி வருகிறது.