ஆகஸ்ட்டில் நதிகளில் நீராடும் சூரியன் ஷுட்டிங்... மீண்டும் பிஸியான சிம்பு – கவுதம் மேனன்

நதிகளில் நீராடும் சூரியனில் பிஸியான சிம்பு

மாநாடு படத்தின் ஷுட்டிங்கை முடித்த கையோடு கவுதம் வாசுதேவ மேனன் இயக்கும் படத்தின் வேலைகளில் இறங்கி விட்டார் சிம்பு. நதிகளிலே நீராடும் சூரியன் என இந்த படத்திற்கு பெயரிடப்பட்டுள்ளது.

ஆகஸ்ட்டில் ஷுட்டிங்

இதில் லேட்டஸ்ட் தகவல் என்னவென்றால் இந்த படத்தின் முதல்கட்ட ஃபோட்டோஷுட் இன்று நடத்தப்பட்டுள்ளது. படத்தின் ஷுட்டிங் ஆகஸ்ட் மாதத்தில் துவங்கப்படலாம் என கூறப்படுகிறது. இதன் வேலைகள் மும்முரமாக நடந்து வருகிறது.

3 வது முறையாக இணையும் கூட்டணி

விண்ணை தாண்டி வருவாயா, அச்சம் என்பது மடமையடா படங்களை தொடர்ந்து மூன்றாவது முறையாக சிம்பு - கவுதம் மேனன் இணையும் படம் என்பதால் இந்த படத்தின் மீதான எதிர்பார்ப்பு அதிகரித்துள்ளது.

இன்னும் அறிவிப்பு வரவில்லை

வேல்ஸ் ஃபிலிம் இன்டர்நேஷனல் தயாரிக்கும் இந்த படத்திற்கு ஏ.ஆர்.ரஹ்மான் இசை அமைக்கிறார். இந்த படத்தில் நடிக்கும் மற்ற நடிகர், நடிகைகள் பற்றிய அறிவிப்பு இதுவரை வெளியிடப்படவில்லை.

ரெண்டு பேருமே பிஸி

கவுதம் மேனன் மற்றும் சிம்பு இணைந்து நதிகளிலே நீராடும் சூரியன் படத்தில் பணியாற்றி வந்தாலும், கவுதம் மேனன் , திரெளபதி பட டைரக்டர் இயக்கும் ருத்ர தாண்டவம் படத்தில் முக்கிய கேரக்டரில் கவுதம் நடிக்கிறார். இந்த படத்தில் ஹீரோவாக ரிச்சர்டு ரிஷி நடிக்கிறார். இதே போல் சிம்பு மாநாடு படத்தின் ரிலீசுக்காக காத்திருக்கிறார்.