நாளை நடிகர் சங்க செயற்குழு- திருட்டு வி.சி.டியை தடுப்பது பற்றி ஆலோசனை

சென்னை: நடிகர் சங்க செயற்குழு நாளை சரத்குமார் தலைமையில் கூடுகிறது. இதில் திருட்டு வி.சி.டி.யை தடுப்பது குறித்து ஆலோசனை நடத்தப்படுகிறது.

செயற்குழு கூட்டத்துக்கு நடிகர் சங்க தலைவர் சரத்குமார் தலைமை தாங்குகிறார். பொதுச் செயலாளர் ராதாரவி, துணை தலைவர்கள் விஜயகுமார், காளை, பொருளாளர் வாகை சந்திர சேகர் ஆகியோர் கலந்து கொள்கின்றனர்.

சிம்பு, சத்யபிரியா, நளினி, சார்லி, சின்னஜெயந்த், ஸ்ரீகாந்த், குண்டு கல்யாணம், குயிலி, மனோ பாலா, சகுந்தலா, கே.ஆர்.செல்வராஜ், எம்.ராஜேந்திரன் உள்ளிட்ட செயற்குழு உறுப்பினர்களும் பங்கேற்கின்றனர்.

திரைப்படத் துறைக்கு பெரும் சவாலாக உள்ள திருட்டு வி.சி.டி, சமூக வலைத்தளங்களில் பரவி வரும் நடிகர் நடிகைகளின் அந்தரங்க ஆபாச வீடியோக்கள் குறித்து இந்தக் கூட்டத்தில் விவாதிக்கப்பட உள்ளது.