என்னது மெர்சலோட மோதுறேனா? பதறிப்போன இயக்குநர்!

தீபாவளிக்கு ரிலீஸ் :

'நெஞ்சில் துணிவிருந்தால்' தீபாவளிக்கு ரிலீஸ் ஆகும் என அதிகாரப்பூர்வமாக அறிவிக்கப்பட்டதை அடுத்து, மெர்சலுடன் மோதுகிறார் இயக்குநர் சுசீந்திரன் என்கிற ரீதியில் செய்திகள் வெளியாகின.

மெர்சலான இயக்குநர் :

இயக்குநர் சுசீந்திரன் அடுத்து விஜய்யைக் கதாநாயகனாக வைத்துப் படம் இயக்கும் முயற்சியில் இருக்கிறார். இந்நிலையில், இப்படியான செய்திகள் அவருக்கு அதிர்ச்சியைக் கொடுக்கவே, அவரே விளக்கம் அளித்துள்ளார்.

மெர்சலை எதிர்க்கலை; மெர்சலுடன் வர்றோம் :

'எங்களுடைய நெஞ்சில் துணிவிருந்தால் படத்தை தீபாவளிக்கு வெளியிட முடிவு செய்துள்ளோம். அதனால் மெர்சலை எதிர்த்து வருகிறீர்களா எனக் கேட்கிறார்கள். மெர்சலை எதிர்த்து வரவில்லை; மெர்சலுடன் வருகிறோம்.

இது ஒண்ணும் புதுசு இல்ல :

இதேபோலத்தான் 2013 தீபாவளிக்கு அஜித் சாரின் ஆரம்பம் படத்தோடு சேர்ந்து 'பாண்டிய நாடு' படத்தை வெளியிட்டோம். இரண்டு படங்களும் வெற்றி பெற்றன.' எனத் தெரிவித்தார் சுசீந்திரன்.

தீபாவளி சரவெடி :

இந்த வருடத் தீபாவளிக்கு, விஜய்யின் 'மெர்சல்', சுசீந்திரன் இயக்கும் 'நெஞ்சில் துணிவிருந்தால்', கௌதம் கார்த்திக் நடிக்கும் 'ஹரஹர மஹாதேவகி', அர்ஜூன் இயக்கும் 'சொல்லிவிடவா' ஆகிய படங்கள் வெளியாக இருக்கின்றன. இவற்றில் எது பட்டையைக் கிளப்பும் என்பதைப் பொறுத்திருந்து பார்க்கலாம்.