இது என்ன புது தகவல்...10 வருடங்களுக்கு முன்பே நாய் சேகருக்கு தயாராகி விட்டாரா சதீஷ் ?

வரவேற்பை பெற்ற நாய் சேகர்

முதல் நாளே மக்களிடம் நல்ல விமர்சனத்தை பெற்றுள்ளது நாய் சேகர் படம். இந்த படத்திற்கு பாராட்டுக்களும் குவிந்து வருகிறது. இந்த ஆண்டு பொங்கல் ரேசில் பங்கேற்ற படங்களில் நாய் சேகர் அதிகமானவர்களை கவர்ந்து முதலிடத்தில் உள்ளது. பாராட்டுக்கள் ஒரு பக்கம் இருந்தாலும் இதை வைத்து மீம்களும் அதிகம் உருவாக்கப்பட்டு, இணையத்தை கலக்கி வருகின்றன.

பிரபலமாகும் நாய் போஸ்

நாய் சேகர் படத்திற்காக நாயை போல் போஸ் கொடுத்து ராஷ்மிகா மந்தனா வெளியிட்ட போட்டோ, நாய் சேகர் படக்குழுவினர் பொங்கல் ஸ்பெஷல் ஷோவின் போது எடுத்துக் கொண்ட போட்டோ ஆகியன அதிகம் பகிரப்பட்டு வருகின்றன. இதோடு, சதீஷ் நடித்த பழைய படம் ஒன்றின் போட்டோவும் அதிமாக உலா வருகிறது.

அப்போவே ப்ரொமோஷனா

2012 ம் ஆண்டு சிவகார்த்திகேயன் ஹீரோவாக அறிமுகமான மெரினா படத்தில் வரும் ஒரு சீனில், சிவகார்த்திகேயனும், சதீஷும் அமர்ந்து பேசிக் கொண்டிருப்பார்கள். அப்போது அவர்கள் அருகில் ஒரு நாய் படுத்திருக்கும். இந்த போட்டோவை தற்போது ட்விட்டரில் பகிர்ந்து, 10 வருடங்களுக்கு முன் மெரினா படத்தில் நடித்த போதே நாய் சேகர் படத்தின் ப்ரோமோஷனை சதீஷ் துவக்கி விட்டாரா என கேட்டு கமெண்ட் செய்து வருகின்றனர்.

ஆச்சரியப்படும் ரசிகர்கள்

இதை பார்த்த ரசிகர்கள், எப்படியெல்லாம் யோசிக்கிறாங்க பாருங்க. சதீஷ் எப்பவோ நடித்த படத்தின் போட்டோவை தேடி எடுத்து, அதை நாய் சேகர் படத்தில் இணைத்து கமெண்ட் செய்து கலக்கி வருகிறார்களே என பலரும் ஆச்சரியப்பட்டுள்ளனர்.