கடைசி வரை அப்போ பேசத்தான் போறீங்க.. ரெட் கார்டு இல்லை.. அசீம் தான் அப்போ டைட்டில் வின்னரா?

வெளியேறுகிறாரா கமல்

பிக் பாஸ் அல்டிமேட் நிகழ்ச்சியில் இருந்து அதிரடியாக கமல் வெளியேறி சிம்பு ஹோஸ்ட்டாக வந்தார். இந்நிலையில், மீண்டும் கமல் பிக் பாஸ் நிகழ்ச்சியை விட்டு வெளியேறப் போவதாக தகவல்கள் பரபரக்கின்றன. இந்தியன் 2 படப்பிடிப்பு மற்றும் அரசியல் என மீண்டும் பிசியானதால் இப்படியொரு முடிவை அவர் எடுக்கப் போவதாக கூறுகின்றனர்.

சண்டை போடுவதற்காகவே

இந்த வாரம் பிக் பாஸ் நிகழ்ச்சியே செம போரிங் என ரசிகர்கள் மற்றும் வனிதா உள்ளிட்ட பிரபலங்களே கழுவி ஊற்றிய நிலையில், மீண்டும் கடைசியாக ரேங்கிங் டாஸ்க் கொண்டு வந்து பிக் பாஸ் வீட்டில் வெற்றிகரமாக சண்டையை உருவாக்கினர். அதில், அசீம் வழக்கம் போல அத்தனை பேரையும் அநாகரிகமாக பேச விக்ரமன், அசீம் மற்றும் ஷிவின் உள்ளிட்ட போட்டியாளர்கள் பெரும் சண்டையை போட்டனர்.

வாடா டேய்

ஏற்கனவே பிரதர் என ஷிவினை அசீம் அழைத்து அசிங்கப்படுத்தினார் என பிரச்சனைகள் கிளம்பின. இந்நிலையில், மறுபடியும் இந்த சண்டையின் போது வாடா டேய் என ஷிவினை பார்த்து அசீம் அழைத்ததாக நெட்டிசன்கள் பொங்கி வருகின்றனர். திருநங்கை போட்டியாளர் என்றே கருதாமல் இந்த சீச்னில் ஷிவினை அனைவரும் சகோதரியாக பார்த்து வரும் நிலையில், அசீம் மட்டும் இப்படி வன்மத்தை கக்கிக் கொண்டு இருக்கிறார் என கமெண்ட்டுகள் பறக்கின்றன.

ரெட் கார்டு இல்லை

இந்த வாரம் தனலட்சுமி வெளியேறினார் என்றும் அசீம் கடைசியாக சேவ் செய்யப்பட்டு கமல்ஹாசனிடம் பயங்கரமாக ரோஸ்ட் செய்யப்பட்டார் என்றும் தகவல்கள் கசிந்துள்ள நிலையில், இந்த வாரமும் அவருக்கு ரெட் கார்டு இல்லையா என ரசிகர்கள் ரொம்பவே அப்செட் ஆகி உள்ளனர்.

கடைசிவரைக்கும் பேசுவார் போல

முதல் வாரமே அசீமை எச்சரித்த கமல் இனிமேல் இப்படி பண்ணினால் ரெட் கார்டு நானே கொடுப்பேன் என்றார். அதன் பிறகு ரெட் கார்டு கொடுத்தால் அது தனக்கு அசிங்கம் என்றார். இந்த வாரமும் அசீமிடம் பேசித்தான் ஆகவேண்டும் என கமல் சொல்வதை கேட்ட ரசிகர்கள், கடைசி வரை நல்லா பேசிட்டு டைட்டிலை அவருக்கே தூக்கி கொடுத்துடுங்க என கலாய்த்து வருகின்றனர்.

அசீமுக்குத்தான் டைட்டிலா

பிக் பாஸ் அல்டிமேட் நிகழ்ச்சியில் பாலாஜி முருகதாஸ் டைட்டில் வென்றதை போல இந்த சீசனில் அசீம் டைட்டிலை வெல்வாரா அல்லது 4வது சீசன் ஸ்க்ரிப்ட் போல விக்ரமனுக்கு டைட்டிலை கொடுத்து விட்டு அசீமை ரன்னர் அப்பாக கமல் மாற்றுவாரா? என்றும் கணிப்புகள் வலம் வருகின்றன. ஷிவினுக்கு டைட்டில் கொடுத்தால் தான் டிஆர்பி அதிகரிக்கும் என்றும் மூன்று போட்டியாளர்க்ளின் பெயர்கள் டைட்டிலுக்கு அடிபட்டு வருகின்றன.