12 மணி நேரத்தில்..10 ஆயிரம் டிக்கெட்டுகள் விற்று தீர்ந்தன..பொன்னியின் செல்வன் முன்பதிவில் சாதனை!

PS1

பொன்னியின் செல்வன் படத்தின் படப்பிடிப்பு 2019ம் ஆண்டு தொடங்கிய நிலையில், படத்தின் படப்பிடிப்பு பாண்டிச்சேரி, விசாகப்பட்டிணம், மத்திய பிரதேசத்தின் கோட்டை நகரான குவாலியர் என பல இடங்களில் நடைபெற்றது. தற்போது படத்தின் அனைத்துப் பணிகளும் முடிவடைந்துள்ள நிலையில் இப்படத்தின் முதல் பாகம் செப்டம்பர் 30ந் தேதி வெளியாக உள்ளது.

வெள்ளிக்கிழமை ரிலீஸ்

ஸ்ரீகர் பிரசாத் எடிட்டிங் பணிகளை மேற்கொண்டுள்ளார். ரவி வர்மன் இப்படத்திற்கான ஒளிப்பதிவை மேற்கொள்ள, தோட்டா தரணி கலை இயக்குனராக பணிபுரிந்துள்ளார். ஜெயமோகன் இப்படத்துக்கு வசனம் எழுதியுள்ளார். லைகா மற்றும் மெட்ராஸ் டாக்கீஸ் நிறுவங்கள் இணைந்து தயாரித்துள்ளது. சமீபத்தில் படத்தின் போஸ்டர்கள், சிங்கிள் பாடல், டீஸர் மற்றும் டிரைலர் வெளியாகி நல்ல வரவேற்பை பெற்றன.படம் வெளியாக இன்னும் இரு தினங்களே உள்ளதால் ரசிகர்கள் மகிழ்ச்சியில் மூழ்கி உள்ளனர்.

விற்றுத்தீர்ந்த டிக்கெட்

பொன்னியின் செல்வன் படத்தின் டிக்கெட் விற்பனை சனிக்கிழமை தொடங்கிய நிலையில், இதுவரை, 225 திரையரங்குகளில் மட்டும் 2.5 லட்சம் டிக்கெட்டுகள் விற்பனையாகியுள்ளது. இதன் மூலம் ரூ.4.50 கோடி வசூலாகியுள்ளதாகவும், மற்ற தியேட்டர்களில் இன்றும் நாளையும் டிக்கெட் முன்பதிவு தொடங்கும் என கூறப்படுகிறது.

12 மணி நேரத்தில் 10ஆயிரம் டிக்கெட்

இந்நிலையில், சேலத்தில் உள்ள ஆஸ்கார் மல்டிபிளக்ஸ் தியேட்டர் நேற்று டிக்கெட் விற்பனையை தொடங்கியது.விற்பனை தொடங்கிய 12 மணி நேரத்திற்குள் 10 ஆயிரத்திற்கும் அதிகமான டிக்கெட்டுகள் விற்று தீர்ந்து டிக்கெட் விற்பனையில் சாதனை படைத்துள்ளது. மேலும் அக்டோபர் 5ந் தேதி வரை சிறப்புக்காட்சியாக காலை 7 மணிக்கு பொன்னியின் செல்வன் படம் திரையிடப்பட உள்ளது.