இத்தனை பண்டிகைகளா? ஒட்டுமொத்த இந்திய ரசிகர்களையும் கவர மாஸ்டர் பிளான் போட்ட பிரபாஸ் படக்குழு!

காதல் காவியமாக

பாகுபலி, சாஹோ, சலார், ஆதிபுருஷ் என ஒரு பக்கம் ஆக்‌ஷனில் அடித்து வெளுக்கும் நடிகர் பிரபாஸ், தன்னை டார்லிங் பிரபாஸ் என செல்லமாக அழைக்கும் இளைஞர்களுக்காக பியூட்டிஃபுல் ரொமான்டிக் படம் ஒன்றையும் கொடுக்க உள்ளார். ராதே ஷ்யாம் என்கிற டைட்டிலில் தமிழ், தெலுங்கு, இந்தி, கன்னடம் மற்றும் மலையாளம் என பல்வேறு மொழிகளிலும் அந்த படம் வெளியாக உள்ளது.

பிரேரானா

அல்லு அர்ஜுனின் அலா வைகுந்தபுறமுலோ படத்தை முடித்த கையோடு அடுத்ததாக பிரபாஸின் ராதே ஷ்யாம் படத்தில் ஹீரோயினாக கமீட் ஆனார் பூஜா ஹெக்டே. விக்ரமாதித்யா எனும் கதாபாத்திரத்தில் பிரபாஸ் நடிக்க பிரேரானா எனும் கதாபாத்திரத்தில் பூஜா ஹெக்டே நடித்துள்ளார். பிரபாஸ் படத்திற்கு பிறகு தற்போது தளபதி 65 படம் மற்றும் ராம்சரண், சிரஞ்சீவியின் ஆச்சார்யா உள்ளிட்ட படங்களிலும் பூஜா ஹெக்டே நடித்து வருகிறார்.

எப்போ ரிலீஸ்

காதலை பிரம்மாண்டமாக சொன்ன டைட்டானிக் படத்தை போல இந்த படமும் 250 கோடிக்கும் அதிகமாக செலவு செய்யப்பட்டு காதல் காவியமாக உருவாகி வருகிறது. இயக்குநர் ராதா கிருஷ்ண குமார் இயக்கத்தில் உருவாகி வரும் இந்த படம் வரும் ஜூலை 30ம் தேதி திரைக்கு வருகிறது.

யுகாதியை முன்னிட்டு

தெலுங்கு வருடப் பிறப்பான யுகாதி பண்டிகை இன்று கொண்டாடப்படுகிறது. இந்நிலையில், யுகாதி பண்டிகையை முன்னிட்டு டோலிவுட் ரசிகர்களை சந்தோஷ வெள்ளத்தில் ஆழ்த்த நடிகர் பிரபாஸ் செம ஹேண்ட்ஸமாக இருக்கும் புதிய போஸ்டரை தற்போது படக்குழு வெளியிட்டு யுகாதி வாழ்த்துக்களையும் தெரிவித்துள்ளது.

இத்தனை பண்டிகைகளா

பான் இந்தியா நடிகராக பிரபாஸ் மாறி உள்ள நிலையில், ராதே ஷ்யாம் படமும் பல்வேறு இந்திய மொழிகளில் வெளியாகிறது. இந்நிலையில், யுகாதி வாழ்த்துக்களை மட்டுமின்றி, தமிழ்ப் புத்தாண்டு, குடி பட்வா, பைசாகி, விஷு, ஜுர் சிதல், சேட்டி சந்த், போஹக் பிஹு, நவ்ரே மற்றும் பொய்லா போஷாக் என இன்று மற்றும் நாளை கொண்டாடப்படவுள்ள மொத்த பண்டிகைகளின் லிஸ்ட்டையும் போட்டு வாழ்த்துக்களை தெரிவித்துள்ளனர்.