அடுத்த பொங்கலும் போக்கிரி பொங்கலா? தளபதி 66 இன்ட்ரோ சாங் கொரியோகிராபர் யார் தெரியுமா?

ஜானி மாஸ்டருக்கு நோ

பீஸ்ட் படத்தில் நடிகர் விஜய்க்கு கஷ்டமான ஸ்டெப்ஸ்களை கொடுத்தாலும், அவை தேவையில்லாமல் திணிக்கப்பட்டதாகவும், ரசிக்கும்படி இல்லை என்றும் அரபிக் குத்து, ஜாலியோ ஜிம்கானா பாடல் வீடியோக்களை பார்த்த பிறகு கடுமையான விமர்சனங்களை விஜய் ரசிகர்கள் வைத்துள்ளனர். இந்நிலையில், தளபதி 66 படத்தில் ஜானி மாஸ்டருக்கு வாய்ப்பு மறுக்கப்பட்டுள்ளதாக தகவல்கள் வெளியாகி உள்ளன.

தமன் தாண்டவம்

மூன்று பாடல்கள் சீனெல்லாம் கிடையாது. தளபதி 66 படத்துக்கு தரமாக ஓப்பனிங் பாடல், ரொமான்ஸ் பாடல், ஃபீலிங் சாங், கிளைமேக்ஸ் குத்து சாங் என ஒட்டுமொத்தமாக 6 பாடல்களை போட்டு தாண்டவம் ஆட தமன் ரெடியாகி விட்டார். இந்நிலையில், அதற்கு ஈடு கொடுக்கும் விதமாக இன்ட்ரோ பாடலுக்கு பிரபுதேவா கொரியோகிராஃபி செய்யப் போவதாக தகவல்கள் வெளியாகி உள்ளன.

போக்கிரி பொங்கல்

பிரபுதேவா இயக்கத்தில் விஜய் நடித்த போக்கிரி படம் மிகப்பெரிய ஹிட் ஆனது. அந்த படத்தின் அறிமுக பாடலான போக்கிரி பொங்கல் பாடல் வெறித்தனமாக ஹிட் ஆனது. விஜய் மற்றும் பிரபுதேவா இணைந்து வேறலெவலில் நடனம் ஆடி ரசிகர்களை தியேட்டரில் கொண்டாட வைத்திருப்பார்கள். இந்நிலையில், மீண்டும் அப்படியொரு மேஜிக் அடுத்த ஆண்டு பொங்கலுக்கு திரையில் நடக்கும் என தற்போது வெளியாகி உள்ள தகவல்களால் ரசிகர்கள் எதிர்பார்ப்புகளை எகிற வைத்து வருகின்றனர்.

ஷோபி மாஸ்டர்

இன்னொரு பாடலுக்கு ஷோபி மாஸ்டர் கொரியோகிராஃபி செய்யப் போவதாகவும் தகவல்கள் தற்போதைக்கு வெளியாகி உள்ளன. விரைவில் இந்த பாடல் காட்சிகளை ஹைதராபாத்தில் படமாக்கப் போவதாகவும் விஜய் மற்றும் ராஷ்மிகா மந்தனா பங்கேற்க போவதாகவும் கூறப்படுகிறது. தளபதி 66 படத்தில் ஏகப்பட்ட நட்சத்திர பட்டாளங்கள் நடித்து வரும் நிலையில் அடுத்த ஆண்டு பொங்கலுக்கு பக்காவான ஃபேமிலி என்டர்டெயினராக வரும் என எதிர்பார்க்கப்படுகிறது.